Portcoin üzrə Azərbaycan Mərkəzi Bankı tərəfindən tətbiq edilmiş Xüsusi Tənzimləmə Rejimi çərçivəsində aparılan test mərhələsi başa çatıb və bu səbəbdən xidmətin fəaliyyətinin dayandırılması qərara alınıb.
Platforma tərəfindən verilən açıqlamaya əsasən, istifadəçilərin PTC hesablarındakı vəsait, son müəyyən edilmiş məzənnə əsasında manat ekvivalentində hər bir istifadəçinin elektron pul hesabına köçürüləcək.
Vacib qeyd: Portcoin layihəsi Portmanat tərəfindən həyata keçirilən eksperimental rəqəmsal aktiv təşəbbüsü idi.
Portmanat platforması isə öz fəaliyyətini tam şəkildə davam etdirir və bu qərar yalnız Portcoin xidmətinə aiddir.
Şirkət, test müddətində platformaya göstərilən maraq və fəal iştiraka görə istifadəçilərə təşəkkür edib.
Qeyd edək ki, Portcoin Azərbaycanın rəqəmsal aktivlər sahəsində eksperimental təşəbbüslərindən biri kimi qiymətləndirilirdi və test mərhələsi boyunca müəyyən istifadəçi qrupları tərəfindən sınaqdan keçirilmişdi.
