Texnoloji nəqliyyat platforması Bolt, Azərbaycanda fəaliyyət göstərən sürücü və kuryerlər üçün nəzərdə tutulmuş ilk sahibkarlıq sürətləndirici proqramını – “Bolt Accelerator”ı istifadəyə verib.
Yeni proqram, Bolt platformasında çalışan şəxslərə öz biznes ideyalarını reallaşdırmaq, təlim və mentor dəstəyi almaq, eləcə də maliyyə resurslarına çıxış imkanı yaratmağı hədəfləyir.
Proqram çərçivəsində iştirakçılar:
- Sahibkarlıq bacarıqları və bilikləri üzrə təlimlərdə iştirak edəcəklər
- Fərdi mentorluq dəstəyi alacaqlar
- Seçilmiş ideyalar maliyyə dəstəyi ilə mükafatlandırılacaq
Ümumi mükafat fondu – 36,500 AZN təşkil edir:
- 🥇 1-ci yer – 10,000 AZN
- 🥈 2-ci yer – 7,000 AZN
- 🥉 3-cü yer (3 nəfər) – 4,500 AZN
- ⭐ 4-cü yer (2 nəfər) – 3,000 AZN
Bundan əlavə, qaliblər 6 həftəlik inkişaf proqramına da qoşulacaq.
Proqram Bolt və SUP.VC startap akselerator mərkəzinin tərəfdaşlığı ilə həyata keçirilir.
Müraciətlər üçün son tarix: 15 avqust 2025
Bolt tərəfindən verilən açıqlamaya görə, layihənin məqsədi yalnız platformada gəlir əldə etmək deyil, eyni zamanda istifadəçilərin fəaliyyətlərini inkişaf etdirmək və təşəbbüslərini dəstəkləməklə onların ilhamverici potensialını gücləndirməkdir.
📎 Ətraflı məlumat və müraciət üçün: www.boltakselerator.az
