Amazon ABŞ-da Just Walk Out adlı kassirsiz ödəniş texnologiyasından imtina edərək, ağıllı arabalara fokuslanacaq

Yayılan məlumata görə, texnologiya gözləntiləri doğrultmayıb və alıcıların səbətlərinə atdıqları məhsullara Hindistandan olan işçilər kameralar ilə nəzarət edirmişlər.

Bloomberg yazır ki, Amazon Just Walk Out texnologiyasından imtina edəcəyini açıqlayıb. Şirkət məlumat verib ki, sistemdən istifadə edən Cashierless Fresh mağazalarını yenidən quracaq və oxşar texnologiya ilə ABŞ-da yeni yerlər açmayacaq.

Kassirsiz texnologiya Böyük Britaniyada bəzi mağazalarında işləməyə davam edəcək, lakin nə qədər davam edəcəyi bəlli deyil.

Bunun əvəzinə Amazon diqqətini müştərinin hansı əşyalara qoyduğunu və ya çıxardığını izləyən, qəbz yaradan və mağazadan çıxarkən kartı dolduran Dash Carts adlı ağıllı arabalara yönləndirəcək. Arabalardakı texnologiya sadələşdiriləcək: bəzi “ağıllı” kameralar söndürüləcək və bundan sonra alıcılar, alacaqları malları skanerlər ilə barkodu oxutmalı olacaqlar.

Amazon 2016-cı ildə Just Walk Out texnologiyasını sınaqdan keçirməyə başlamışdı və 2018-ci ildə kassa aparatları və satış işçiləri olmayan ilk mağazasını işə salıb. Sistem daha sonra Fresh mağazalarında da tətbiq olundu. Texnologiyanın iş prinsipi belədir: alıcı Amazon proqramına daxil olmalı və girişdə QR kodu skan etməlidir, bundan sonra malı götürə bilər – mağazadan çıxan zaman pul avtomatik olaraq hesabdan silinəcək. Alış-veriş rəflərdəki sensorlar sistemi və mağazanın özündəki smart kameralar tərəfindən nəzərə alınıb.

Hələ 2023-cü ilin may ayında The Information, Hindistanda 1000-dən çox işçinin satınalmaların kameralar vasitəsilə izlənməsinə cavabdeh olduğunu bildirdi. Engadget və Gizmodo-nun məlumatına görə, onlar canlı video görüntülərə baxaraq, alıcının seçdiyi məhsulları virtual arabası ilə müqayisə edirlər. Əgər məhsul sistemə əlavə olunmayıbsa, işçilər bunu manual olaraq özləri əlavə edirdilər.

Bundan əlavə, Engadget yazır ki, texnologiyanı həyata keçirmək çox bahalı idi və müştərilər hələ də problemlərdən şikayətlənirdilər: elektron qəbzlər çox gec gəlir, bəzən onlarda malların siyahısı tamamilə səhv olurdu. Müştərilər onu da bildirirdilər ki, mağazalardakı kameralar mütəmadi olaraq biometrik məlumatları toplayır.

spot_imgspot_img

Oxşar xəbərlər

Türkiyədə e-ticarət həcmi 2023-cü ildə 1,85 trilyon lirəyə çatıb

Türkiyədə e-ticarət həcmi 2023-cü ildə 1,85 trilyon lirəyə çatıb....

Google Hindistanın e-ticarət nəhəngi Flipkarta 350 milyon dollar sərmayə qoyur!

Bengaluru mərkəzli Flipkart, Android istehsalçısı Google ilə razılaşmanın bir...

Amazon Böyük Britaniyada mikromobil mərkəzləri qurur

Amazon, Böyük Britaniyadakı müştərilərə çatdırılmanı daha efekktiv etmək üçün...

LC Waikikidən yeni lcw.com marketplace təqdim edilib

LC Waikiki, İstanbul Rəqəmsal Təcrübə Muzeyində öz e-ticarət saytı...

Umico-ya yeni rəhbər təyin edilib

Competo MMC-nin rəhbərliyində dəyişiklik baş verib. Belə ki, Competo...
spot_img