GoldenPay şirkətinin 2023-cü il üzrə maliyyə göstəriciləri açıqlandı!

Azərbaycanda ilk onlayn ödəmələr şirkəti, Hesab.az portalının yaradıcısı “QoldenPey” ASC 2023-cü il üzrə maliyyə və digər göstəricilərini açıqlayıb.

GoldenPay şirkətinin idarə heyətinin sədri – Eynar Abdullayevdən aldığımız məlumata əsasən, bu il fəaliyyətinin 17-ci ilində olan şirkətin göstəricilərində əvvəlki il ilə müqayisədə xeyli artım müşahidə olunub.

Belə ki, şirkətin 2023-cü il maliyyə nəticələri əvvəlki ilnən müqayisədə ciddi artım nəzərə alınmışdır. Belə ki, 2023-cü ilin ümumi dövriyyəsi 712,963,853 manat olmuşdur ki, bu da əvvəlki ilin analoji dövrü ilə müqayisədə 14.2% artmışdır (2022: 624,049,576 manat).

2023-cü ildə Şirkətin gəlirləri 13,086,027 manat olmuşdur ki, bu da əvvəlki ilin analoji dövrü ilə müqayisədə 17.3% artmışdır (2022: 11,155,208 manat). 2023-cü ildə “QoldenPey” ASC-nin xalis mənfəəti 2,196,775 manat olmuşdur ki, bu da əvvəlki ilin analoji dövrü ilə müqayisədə 2.3% artmışdır (2022: 2,147,517 manat).

2023-cü il sonu etibarilə “QoldenPey” ASC-nin cəmi aktivləri 8,715,260 manat təşkil etmişdir. Bu göstərici əvvəlki ilin analoji dövrü ilə müqayisədə 31.5% artmışdır (2022: 6,625,556 manat). 2023-cü il sonu etibarilə cəmi kapital (xalis aktivlər) 6,811,875 manat təşkil etmişdir. Bu göstərici əvvəlki ilin analoji dövrü ilə müqayisədə 47.6% artmışdır (2022: 4,615,100 manat).

Bu artımı həm də Hesab.az onlayn xidmətlər platforması üzrə də müşahidə etmək mümkündür. Belə ki, platformanın 2022-ci ildə 710 min qeydiyyatlı istifadəçi sayı olduğu halda, 2023-cü ildə bu rəqəm 770 minə kimi yüksəlmişdir. Bu da platformanın qeydiyyatlı istifadəçi sayında bir il ərzində 9% artım olduğunu göstərir. Hazırda isə, platformada qeydiyyatlı istifadəçi sayı 780 mindən çoxdur.

Qeyd edilib ki, 14 Aprel tarixində yaradılışının 13-cü ilini qeyd edən Hesab.az, bu artıma funksional yenilikləri, ödəmə xidmətlərinin genişləndirilməsi, göstərdiyi xidmət keyfiyyəti ilə müştəri məmnuniyyətinin təmin edilməsi və həmçinin də həyata keçirilən müxtəlif kampaniyaları ilə nail olmuşdur. 

Şirkətdən aldığımız məlumata əsasən, 2024-cü ildə şirkətin göstəricilərinin daha da artırılması, yeni məhsul və xidmətlərin təqdim olunması və bazardakı mövqeyinin saxlanılması nəzərdə tutulur. 

spot_imgspot_img

Oxşar xəbərlər

OpenAI-ın süni intellekt telefonunun montajı Foxconn-a verildi

OpenAI-ın süni intellekt telefonunun montajı Foxconn-a verildi, cihazın 2027-2028-ci illərdə təqdim olunması gözlənilir.

Bitcoin ETF-lərindən çıxışlar artır: institusional maraq azalır

Bitcoin ETF-lərindən vəsait çıxışları artır və bu, institusional investorların kripto aktivlərə marağının azaldığını göstərir.

Sky-ın USDS stablecoin ehtiyatları 1,5 milyard dollar azaldı, həcm 35% düşdü

Qeyri-qanuni maliyyələşdirmə hesabatından sonra Sky protokolundan 1,5 milyard dollar çıxıb, USDS-in həcmi 35% azalıb.

Meta-nın Muse süni intellekt agenti istifadəçilərin şəxsi məlumatlarını qarışdırır

Meta-nın Muse adlı süni intellekt agentinin istifadəçi söhbətlərini qarışdırdığı və başqa şəxslərə aid bank məlumatlarını göstərdiyi bildirilir.

Binance kripto tarixində ən böyük oğurluğa qarşı 6,5 milyard dollarlıq qərar qazandı

Binance kripto tarixində ən böyük oğurluğun arxasındakı hakerlərə qarşı 6,5 milyard dollarlıq dondurma qərarı qazanıb və oğurlanmış aktivləri öz vəsaitləri ilə əvəz edib.
spot_img