Bu ilin avqust ayında Azərbaycanın sosial media bazarının bütün platformalarında (kompüter, mobil cihazlar və planşetlərdə) “Instagram”ın payı 25,49 % təşkil edib.
“Report”un “Statcounter” agentliyinin avqust hesabatına istinadən verdiyi məlumata görə, bu, iyul ayına nisbətən 12,67 faiz bəndi, bir il əvvəlki göstərici ilə müqayisədə 7 faiz bəndi azdır. Nəticədə sosial şəbəkə əvvəlki aya nisbətən avqustda bazar payının 33 %-ni itirib.
İkinci pillədə qərarlaşan “Facebook”un bazar payı ay ərzində 21 faiz bəndi, il ərzində isə 19,06 faiz bəndi artaraq 43,8 % təşkil edib.
Növbəti yerdəki “Pinterest”in bazar payı iyula nisbətən 2,41 faiz bəndi, 2023-cü ilin avqust ayı ilə müqayisədə 4,3 faiz bəndi azalaraq 12,43 % enib.
Dördüncü pillədəki “YouTube”un bazar payı ay ərzində 3,1 faiz bəndi, illik isə 3,83 faiz bəndi azalaraq 8,07 %-ə düşüb.
İlk beşliyi 5,9 %-lik bazar payı ilə “X” qapayır. Sosial şəbəkənin bazar payı iyul ayına nisbətən 1,6 faiz bəndi, bir il əvvəlki göstərici ilə müqayisədə 4,46 faiz bəndi artıb.
