Hakerlər Bybit-in soyuq cüzdanlarından birini sındıraraq 1,46 milyard dollar oğurlayıb

Bybit-dən şübhəli vəsait axınına ilk diqqət çəkənlərdən biri “kriptoaraşdırmaçı” ZachXBT olub. Daha sonra mənbələri məlumat verib ki, hakerlər təhlükəsizlik boşluğundan istifadə edərək ETH vəsaitlərini naməlum cüzdana çıxarıb, ardından onları müxtəlif ünvanlara bölməyə başlayıblar. ZachXBT mübadilə platformalarını həmin ünvanları qara siyahıya salmağa çağırıb.

Bybit-in rəhbəri Bən Çjou bir soyuq cüzdanın sındırıldığını təsdiqləyib. Onun sözlərinə görə, digər cüzdanlar, o cümlədən isti cüzdanlar təhlükəsizdir. Çjou vurğulayıb ki, platforma maliyyə cəhətdən sabitdir və itkiləri öz vəsaitləri hesabına ödəmək iqtidarındadır. Müştəri aktivləri 1:1 nisbətində təmin olunub.

Bybit hadisəni müstəqil ekspertlərin iştirakı ilə araşdırır və istənilən dəstəyə açıq olduğunu bildirib. Araşdırmaların nəticələri daha sonra paylaşılacaq.

The BlockCoindesk-ə görə, bu, mərkəzləşdirilmiş kriptobirjalara edilən ən böyük və ya ən iri hücum ola bilər. Müqayisə üçün, 2018-ci ildə Coincheck birjasından 534 milyon dollar (o dövrün məzənnəsi ilə), Mt.Gox birjasından 470 milyon dollar, FTX-dən isə 415 milyon dollar oğurlanmışdı.

Hadisənin fonunda ETH qiyməti enib. 21 fevral 2025-ci il, saat 19:20 (Bakı vaxtı) etibarilə bir ETH tokeninin qiyməti 2820 dollar idisə, xəbər yayıldıqdan sonra 2708 dollar-a düşüb.

spot_imgspot_img

Oxşar xəbərlər

Apple, X və Airbnb stabilkoinlərin inteqrasiyasını maliyyə tərəfdaşları ilə müzakirə edir – Fortune

Fortune verdiyi məlumata görə, bu texnologiya nəhəngləri “tranzaksiya xərclərini...

Bir – yeni e-ticarət və fintek ekosistemi

Umico brendinin BirMarket adı altında yenidən brendləşdirilməsi gözlənilir. Bu...

m10-un öz ödəniş kartı istifadəyə veriləcək

PashaPay və Mastercard strateji əməkdaşlığın gücləndirilməsi məqsədilə Money 20/20...

Papara-ya qanunsuz mərc əməliyyatı: 8 şirkət və çoxsaylı əmlaka həbs qoyuldu

İstanbul Cumhuriyyət Baş Prokurorluğu tərəfindən aparılan qanunsuz mərc araşdırması...
spot_img