Elon Muskın “X TV” tətbiqi istifadəyə verildi

Elon Muskın sahibi olduğu X platformunun yeni video yönümlü tətbiqi X TV, müxtəlif tətbiq mağazalarında istifadəçilərin ixtiyarına verilib. Tətbiq Google Play, LG-nin tətbiq mağazası və Amazon App Store kimi platformalarda yer alır.

Tətbiqin buraxılış tarixləri platformaya görə dəyişiklik göstərsə də, Amazon-da iyul ayının sonunda, LG-nin mağazasında isə 29 avqust 2024 tarixindən etibarən yayımlanmağa başlayıb.

Tətbiqdən istifadə etmək üçün X hesabına malik olmaq lazımdır. Bu tətbiq, istifadəçilərə xüsusi məzmunlar, canlı tədbirlər və xəbərlər təqdim etməyi vəd edir. X TV tətbiqi ümumi mənada YouTube-a bənzər bir platforma kimi qiymətləndirilsə də, məzmun baxımından daha mübahisəli mövzulara və daha az reklama malik olması gözlənilir.

YouTube-un 2024-cü ilin ilk yarısında reklamlardan 15,5 milyard dollar, 2023-cü ildə isə ümumilikdə 31,5 milyard dollar gəlir əldə etdiyi nəzərə alındıqda, X TV-nin YouTube-a rəqib və ya alternativ olaraq qiymətləndirilməsi hələ tez ola bilər.

Google Play-dəki tətbiq açıqlamasında X TV-nin hər kəs üçün etibarlı qlobal rəqəmsal meydan olduğu və bənzərsiz və maraqlı məzmunları qonaq otaqlarına gətirdiyi qeyd olunur. Digər tərəfdən, X TV-nin LG versiyasında məxfilik siyasəti və xidmət şərtlərinə keçidlər olsa da, bu keçidlərin kliklənərək görüntülənə bilmədiyi, tvOS versiyasında isə bu keçidlərin olmadığı qeyd olunur.

X TV-nin gələcək performansı və istifadəçi rəyləri, platformanın iddialarının nə dərəcədə gerçək olduğunu göstərəcək.

spot_imgspot_img

Oxşar xəbərlər

Bolt Azərbaycanda ilk sahibkarlıq akselerasiya proqramını elan etdi

Texnoloji nəqliyyat platforması Bolt, Azərbaycanda fəaliyyət göstərən sürücü və...

Whelp və CibPay əməkdaşlığa başlayıb

Azərbaycanın süni intellekt texnologiyaları sahəsində fəaliyyət göstərən aparıcı şirkətlərindən...

Azərbaycan bankları ödənişlərdə “Az-QR” standartına keçəcək

Azərbaycanda bütün ödəniş nöqtələrində alıcılara "QR"la ödənişlər təklif ediləcək. Bu...

Pasha Holding Sea Breeze ərazisində çatdırılma üçün yeni mobil tətbiq istifadəyə verib

İT innovasiya sahəsində fəaliyyət göstərən Competo MMC (Paşa Holdinqin...

OpenAI-dən Yeni Dövrün Başlanğıcı: ChatGPT Agent Artıq Kompüterinizin Əsl Operatorudur

OpenAI tənbəllər üçün deyil, gələcəyin istifadəçisi üçün nəzərdə tutulan...
spot_img