Bakıda ötən il dekabr ayının 30-da tam olaraq istifadəyə verilmiş yeni, QR biletlə ödəniş sistemi ilə gediş haqqını ödəyənlərin sayı 45% artıb. Bu artımı, ödəmə sisteminin ötən ay “m10” mobil cüzdanı ilə inteqrasiya edildikdən sonra, sezmək mümkündür.
“Bakı Metropoliteni” tərəfindən yayımlanmış məlumata əsasən, aprel ayı ərzində 257 min 198 sərnişin, mart ayında qeydə alımış 177 min 567 sərnişin ilə müqayisədə QR ödənişə yönəlib. Ümumən iki ayın müqayisəsində artım tam olaraq 44,8% təşkil edib.
QR biletlə gediş haqqı ən çox aprelin son günü qeydə alınıb və bu, xidmət istifadəyə verildiyi vaxtdan bir gün ərzində ən yüksək göstərici hesab olunub. Yəni, tam olaraq 12 min 107 sərnişin QR ilə ödənişi edib. Metronun “28 May” stansiyası isə QR biletlə ay ərzində ödəniş rekordunu qoruyur.
