Umico-dan sonra, ölkənin aparıcı karqo şirkətlərindən biri olan Starex şirkəti də, xarici onlayn mağazalardan sifariş edilən məhsulların avtomatik bəyan edilməsi xidmətini aktivləşdirib. Lakin hazırda bu funksiyanın bütün onlayn mağazlardan sifariş, yoxsa yalnız Çin-in Temu mağazasına aid olduğu aydın deyil. Starex-ə etdiyimiz müraciət təəssüf ki, cavabsız qalıb.
Avto smartcustoms-dan necə istifadə etmək mümkündür? Bir neçə addımla indi izah edəcəyik:
– Mağazadan məhsul sifariş edildikdən sonra, SMS ilə link göndərilir.
– Müştəri bu linkə keçid edərək, ŞV Fin kodunu daxil edir.
– Bundan sonra Starex bəyannaməni avtomatik tərtib edərək, Smart Customsda yerləşdirir.
Göründüyü kimi bu metod, Umico Logistics tərəfindən tətbiq edilrən Avtosmartcustoms metodundan fərqlənir. Şirkət direktoru Sabir Nifətliyev öz facebook profilində, şirkətin həmçinin yeni mobil tətbiq üzərində işlədiklərini və yeni tətbiqdə bu avtomatik bəyannamənin daha asan və sürətli mümkün olacağını qeyd edib.
