Elektron ticarətdə qiyməti 30 avrodan yuxarı olan məhsullar üçün Avropa Birliyi ölkələrindən gəldikləri təqdirdə 30%, digər ölkələrdən gələnlər isə 60 % vergi tutulacaq.
4458 saylı Gömrük Qanununun Bəzi Maddələrinin Tətbiqinə dair Qərarda dəyişiklik edilərək, e-ticarətdə 30 avrodan, əczaçılıq mallarında isə 1500 avrodan yuxarı olmayan mallar üçün vergi tənzimləməsi edilib. Sözügedən qərar “Resmi Gazete”də dərc olunub.
Fiziki şəxsə poçt və ya sürətli yük daşımaları ilə gələn və kommersiya kəmiyyəti və ya xarakteri daşımayan və dəyəri 30 avrodan çox olmayan malların və dəyəri 1500 avrodan çox olmayan əczaçılıq mallarının dəyəri əsasında;
- Əgər birbaşa Avropa Birliyi ölkələrindən gəlirsə, 30%
- Başqa ölkələrdən gələnlər isə 60%
- Xüsusi İstehlak Vergisi Qanununa əlavə edilən siyahıya daxil edilən mallar üçün əlavə 20% vergi tutulacaq.
Qərar 15 gündən sonra qüvvəyə minəcək.
Bundan əvvəl beynəlxalq onlayn alış-veriş limiti 150 avro idi. Yəni limit 150 avrodan 30 avroya endirilib. Əvvəllər vergi dərəcələri də fərqli idi. Əvvəlki tənzimləmədə Avropa İttifaqından gələn məhsullar üçün vergi 18 faiz, digər ölkələrdən gələn məhsullar üçün isə 30 faiz idi.
