İstanbul Cumhuriyyət Baş Prokurorluğu tərəfindən aparılan qanunsuz mərc araşdırması çərçivəsində Papara Elektron Pul A.Ş.-nin qeyri-qanuni mərc və qumar cinayətlərinin maliyyələşdirilməsində əhəmiyyətli vasitə halına gəldiyi müəyyən edilib. Qurumun fəaliyyəti ödənişlərin təhlükəsizliyinə risk yaratdığı üçün, bu gün səhər saat 05:00 radələrində 13 şübhəliyə qarşı eyni vaxtda saxlanılma, axtarış və müsadirə əməliyyatı həyata keçirilib.
Aparılan istintaq çərçivəsində təşkilat lideri və üzvlərinə məxsus, başda PPR Holding Anonim Şirkəti olmaqla ümumilikdə 8 şirkət, 1 yaxta, 5 qayıq, 3 ədəd kirayə seyf, 74 nəqliyyat vasitəsi, 7 mənzil və villa da daxil olmaqla çoxsaylı əmlaka müsadirə qərarı tətbiq edilib.
İstanbul növbətçi sülh cəza hakimliyinin qərarı ilə PPR Holding A.Ş. və digər şirkətlərə TMSF (Əmanətlərin Sığortalanması Fondu) kayyum (müvəqqəti idarəçi) olaraq təyin edilib.
İstintaq davam edir.
