PAŞA Bank “Miles&Smiles PAŞA Bank” kart sahibləri üçün yeni “Overnight Mile” (hesab qalığına görə mil qazancı) funksionallığını təqdim edib.
Artıq millər yalnız kartla edilən alış-verişlərdən deyil, hesabda vəsait saxladıqca da qazanılır. Yeni funksionallıq sayəsində kart sahibləri heç bir əlavə əməliyyat və ya müraciət etmədən hər ay avtomatik mil əldə edə biləcəklər. Sistem hesab üzrə aylıq orta qalığı nəzərə alaraq müvafiq milləri hesablayır və onları növbəti ayın əvvəlində birbaşa müştərinin Miles&Smiles hesabına köçürür. Bu millər Miles&Smiles proqramının standart milləri hesab olunur və Turkish Airlines başda olmaqla, Star Alliance şəbəkəsinə daxil olan aviaşirkətlərdə aviabilet əldə etmək, xidmət sinfini yüksəltmək və digər üstünlüklərdən yararlanmaq üçün istifadə edilə bilər.
Beləliklə, “Miles&Smiles PAŞA Bank” kartları gündəlik ödəniş vasitəsindən daha geniş imkanlar təqdim edərək müştərilərə hesablarında saxladıqları vəsaiti əlavə səyahət üstünlüklərinə çevirmək imkanı yaradır.
Funksionallıq çərçivəsində hesablamalar minimum 1,000 AZN və maksimum 15,000 AZN məbləğində aylıq orta hesab qalığı əsasında aparılır.
“Overnight Mile” funksionallığı hesab qalığının potensialını əlavə dəyərə çevirərək müştərilərə daha çox mil toplamaq və daha çox səyahət etmək imkanı yaradır.
Yeni funksionallıq, millərin hesablanma qaydaları və kartların sifarişi barədə ətraflı məlumatı müvafiq keçid vasitəsilə əldə edə bilərsiniz.
