Azərbaycanda fintexlərin sistem əhəmiyyətli ödəniş sistemlərində birbaşa və yaxud dolayı yolla iştirakı təmin ediləcək.
Bunu Azərbaycan Mərkəzi Bankının (AMB) Ödəniş Xidmətləri və Ödənişsiz Sistemlərinin fəaliyyətinin tənzimlənməsi şöbəsinin rəhbəri Xəyaləddin Tağıyev bildirib
Onun sözlərinə görə, hazırda bir sıra inkişaf etmiş ölkələrdə fintexlərə birbaşa və yaxud dolayı yolla sistem əhəmiyyətli ödəniş sistemlərində iştirak etmək üçün şərait yaradılıb.
“Bu, yaxın gələcəkdə Azərbaycanda da mümkün olacaq. Ödəniş zənciri 3 mərhələdən ibarətdir – avtorizasiya, klirinq və hesablaşma. Bununla, fintexlər hesablaşma mərhələsini özləri təmin edə biləcək və onların banklardan aslılığı azalacaq. Bu da, onların gəlirliliyinə, mənfəətinə müsbət təsir edəcək”, – deyə AMB rəsmisi qeyd edib.
Report
