23 fevral 2025-ci il tarixində eCom X e-ticarət təlim və inkubasiya proqramı çərçivəsində ilk canlı görüş Alas Academy-də baş tutub. Tədbirdə 30 nəfər iştirakçı yer alıb. Görüş zamanı e-ticarət sahəsində praktiki təcrübələr, bazar imkanları və uğur hekayələri bölüşülüb, eləcə də təqdimatlar və sual-cavab sessiyaları keçirilib. Daha sonra iştirakçılar arasında şəbəkələşmə (networking) sessiyası təşkil olunub.
eCom X – Azərbaycanın ən genişmiqyaslı e-ticarət təlim və inkubasiya proqramıdır. Bakı, Gəncə, Sumqayıt və Lənkəranda e-ticarət sahəsinə maraq göstərən şəxslər üçün təşkil edilən bu proqram artıq 650-dən çox müraciət alıb və 200-dən çox iştirakçı aktiv şəkildə təlimlərə qoşulub. Proqramın əsas məqsədi yerli sahibkarların və gənc startapçıların e-ticarət sahəsində bilik və bacarıqlarını artırmaq, onları qlobal bazara hazırlamaqdır.
🚀 Növbəti canlı görüş 2 mart 2025-ci ildə Sumqayıt şəhərində keçiriləcək!
Sumqayıt Innovation Hub-da baş tutacaq bu görüşdə Sumqayıt və ətraf şəhərlərdən olan proqram iştirakçıları ilə bir araya gələcəyik. Görüş zamanı e-ticarət üzrə praktiki biliklər paylaşılacaq, təqdimatlar və sual-cavab sessiyaları təşkil olunacaq.
Proqram haqqında ətraflı məlumat:
🌐 www.ecomx.az
Sumqayıt görüşü üçün qeydiyyat formu:
🌐 https://forms.gle/WYjMcGDxLsMkZb3Y6
