ABŞ-da “Fraud Management in Online Transactions” adlı yeni bir hesabat “2FA” qorunmasının nə qədər effektiv ola biləcəyini gün üzünə çıxarıb. Məlum oldu ki, beynəlxalq satışlar edən ABŞ mərkəzli eletron satıcıların 82%-i keçən il kiber dələduzluq və ya məlumat pozuntuları ilə üzləşib. Bu hücumlardan 47%-i müştəri və gəlir itkisi ilə nəticələnib.
Tədqiqat müəyyən edib ki, hər bir əməliyyat üçün iki faktorlu autentifikasiyadan (2FA) istifadə fırıldaqçılığın qarşısını almağın ən yaxşı yoludur. Satıcıların təxminən 43%-i məhz bu metodun həqiqətən fırıldaqçılıqla mübarizədə yaxşı işlədiyini təsdiqləyib.
“2FA” alternativi fərqli üsulların tətbiqi isə daha kiçik paya sahib olub. Bu üsul eyni zamanda təhlükəsizlikdən keçməyən uğursuz ödənişlərə də müsbət təsir edib və əməliyyatların yalnız 10,3%-i şübhəli qeyd edilərək sonlanıb.
