Son bir ay ərzində kriptovalyuta dəyərinin 25%-dən çoxunu itirib.
Coinmarketcap-ın toplanmış məlumatlarına əsasən, bitcoinin məzənnəsi 64,74 min dollar təşkil edir. Sutka ərzində qiymət demək olar ki, 9% ucuzlaşıb.
Bitcoinin məzənnəsi sonuncu dəfə 70 min dollardan aşağı 2024-cü ilin noyabrının əvvəlində — ABŞ prezident seçkilərində Donald Trampın qələbəsindən sonra düşmüşdü.
2025-ci ildə kriptovalyuta bir neçə dəfə qiymət rekordları müəyyən edib. Oktyabrda pik həddə qiymət 126 min dollara çatmışdı, lakin daha sonra enməyə başladı.
Bloomberg-in sorğu keçirdiyi analitiklər bazarda “etimad böhranı”ndan danışırlar. Onların sözlərinə görə, fond bazarlarındakı qeyri-sabitlik fonunda investorlar “bitcoinin sığınacaq aktiv kimi rolu”na şübhə etməyə başlayıblar.
Bitcoinin ardınca digər kriptovalyutalar da ucuzlaşır. Ethereum — 7,95%, BNB — 9,8%, XRP — 14,2%, Solana — 7,2%. Agentliyin istinad etdiyi Coinglass məlumatlarına görə, son sutka ərzində investorlar müxtəlif kriptovalyutaları təxminən 722 milyon dollar məbləğində satıblar. Bütün kriptovalyuta bazarının kapitallaşması 2,3 trilyon dollara enib.
