Azərbaycan Eticarət Birliyi quruldu

13 Fevral 2014-cü il tarixində Azərbaycan E-ticarət ekosisteminin öndə gedən bir qrup Şirkət nümayəndələrinin iştirakı ilə ilk toplantı keçirilib. Bu görüşdə AEB təsisçisi Orxan Əhmədov toplaşanlara Azərbaycan Eticarət Birliyi haqqında məlumat vermiş və planlaşdırılan işlər haqqında ətraflı məlumat vermişdir. Bildirilir ki, AEB-nin əsas məqsədi Azərbaycan elektron ticarətinin inkişafı yönünüdə işlər görmək və bunun üçün maraqlı bütün tərəfləri cəlb etməkdir. Birlik ekosistem oyunçularını bir araya gətirmək, mütəmadi görüşlər və mitaplar keçirtmək, eticarət təlimləri hazırlamaq, konsultasiya və məsləhətlər vermək, sosial fəaliyyətlər təşkil etmək, üzvlər arası imtiyaz sisteminin qurulması, yerli və xarici dövlət və özəl qurumlarla əlaqəli işləmək, bu yöndə bütün növ fəaliyyətləri həyata keçirtmək niyyətindədir.

AEB artıq Türkiyənin Worldef və Gürcüstanın Elektron Ticarət Assosiasiyası ilə əməkdaşlıqlar etməyə başlayıb və ortaq fəaliyyətlərin aparılması üçün digər yerli və xarici qurumlar ilə də əməkdaşlıq əlaqələri qurmağa başlayıb.

Azərbaycan Eticarət Birliyinə 2 növ üzvlük nəzərdə tutulub və istənilən şəxs birliyin saytına daxil olaraq üzv olaraq qeydiyyatdan keçə bilər:

Sadə Üzvlük – paketi Eticarət ilə maraqlanan hər kəs üçün nəzərdə tutulub. Yəni, istənilən şəxs eticarət biliklərini artırmaq, əlaqələr qurmaq və bu sahədə inkişaf etmək istəyirsə, müraciət edərək birliyin üzvü ola bilər. Sadə üzvlük paketi şəxslər üçün nəzərdə tutulub və şirkət olaraq bu paketi əldə etmək mümkün deyil. 

Tam Üzvlük – eticarət və eticarət ekosistemində fəaliyyət göstərən bütün hüquqi və fiziki şəxslər üçün nəzərdə tutulub. Aylıq görüşlərin keçirilməsi, xarici tədbirlərdə endirimli iştirak paketləri, təlim və konsultasiyalar, xəbər və sosial media dəstəyi, tədbirlərdə loqo, rollapın yerləşdirilməsi. Bu paket eticarət sahəsində rəsmi fəaliyyət göstərən şəxslər üçün nəzərdə tutulsa da, üzvlüyün verdiyi imkanlardan yararlanmaq istəyən hər kəs bu paketi seçə bilər.

Üzvlükdən başqa AEB partnyorluq etmək istəyən şirkət və qurumları da əməkdaşlığa dəvət edir.

Partnyorluq – üzvlük paketi deyil və AEB-nin fəaliyyətində yaxından iştirak etmək, ona dəstək olmaq istəyən şirkət və qurumlarla əməkdaşlıq formatıdır. Partnyorluq çərçivəsində birliyin bir sıra fəaliyyətləri dəstəklənir. Partnyorluq çərçivəsində yerli şirkət və dövlət qurumları, eyni zamanda xarici şirkətlər ilə əməkdaşlıq nəzərdə tutulub.

Azərbaycan Eticarət Birliyinə; Eticarət, Fintech, Proqram təminatı, Logistika, Loyallıq sistemləri və bu sahənin inkişafında maraqlı olan bütün tərəflər qoşula bilər. Birliyin il görüşündə Portmanat, United Payment Azərbaycan, Cib Business, Epoint, Kargomat, Odero, Hepard, KenxelBonpara şirkətlərinin nümayəndələri iştirak edib. Təqdimatdan sonra, iştirakçılar arasında təkliflər mövzusunda müzakirələr aparlıb və növbəti görüş üçün plan hazırlanıb. Beləliklə bu tarixdə Azərbaycan Eticarət Birliyinin təməli qoyulmuş oldu…

spot_imgspot_img

Oxşar xəbərlər

Türkiyədə e-ticarət həcmi 2023-cü ildə 1,85 trilyon lirəyə çatıb

Türkiyədə e-ticarət həcmi 2023-cü ildə 1,85 trilyon lirəyə çatıb....

Google Hindistanın e-ticarət nəhəngi Flipkarta 350 milyon dollar sərmayə qoyur!

Bengaluru mərkəzli Flipkart, Android istehsalçısı Google ilə razılaşmanın bir...

Amazon Böyük Britaniyada mikromobil mərkəzləri qurur

Amazon, Böyük Britaniyadakı müştərilərə çatdırılmanı daha efekktiv etmək üçün...

LC Waikikidən yeni lcw.com marketplace təqdim edilib

LC Waikiki, İstanbul Rəqəmsal Təcrübə Muzeyində öz e-ticarət saytı...

Umico-ya yeni rəhbər təyin edilib

Competo MMC-nin rəhbərliyində dəyişiklik baş verib. Belə ki, Competo...
spot_img