Apple, tədbirlər üçün rəqəmsal dəvətlərin yaradılmasını və təşkilini asanlaşdıran “Invites” adlı yeni tətbiqini təqdim edib.
“Invites” nə edir?
Bu tətbiq vasitəsilə istifadəçilər şəxsi dəvətlər yarada, onları dostlarına və ailələrinə göndərə bilərlər. Apple-ın verdiyi məlumata görə, dəvətlərin dizaynı fərdiləşdirilə bilər – fon şəkli smartfondan seçilə və ya “Image Playground” funksiyası vasitəsilə süni intellektlə yaradılan şəkillərdən istifadə edilə bilər.
Bundan əlavə, süni intellekt mətnin tərtibatına kömək edir – dəvətin məzmununu və formatını avtomatik redaktə etməyi təklif edir.
Tətbiqin funksiyaları
📍 Tədbir haqqında məlumat avtomatik əlavə olunur – “Xəritələr” və “Hava proqnozu” xidmətlərindən məlumatlar toplanaraq dəvətə daxil edilir.
🎵 Musiqi və şəkillər paylaşmaq mümkündür – iştirakçılar xüsusi foto albom və pleylistlər yarada və tədbirə uyğun şəkil və mahnıları ora əlavə edə bilərlər.
🔗 Dəvətlər link şəklində göndərilir – iştirakçılar iPhone və ya istənilən brauzer vasitəsilə dəvəti qəbul edib iştiraklarını təsdiq edə bilərlər.
Kimlər istifadə edə bilər?
📲 “Invites” yalnız iOS 18 və daha yeni versiyalar üçün mövcuddur.
💳 Dəvət yaratmaq üçün iCloud+ abunəsi tələb olunur ($1/ay).
👥 Qonaqlar üçün bütün funksiyalar pulsuzdur.
