Bu qərar həmçinin kriptovalyuta bazarının da enməsinə səbəb olub.
Saat 13:20-də ABŞ dolları Kanada dollarına nisbətdə 1% bahalaşaraq 1,46 CAD səviyyəsinə yüksəlib. Meksika pesosuna qarşı isə 2% dəyər qazanaraq 21 MXN səviyyəsinə çatıb.
Meksika valyutası 2021-ci ilin noyabrından, Kanada dolları isə 2003-cü ildən bəri belə aşağı səviyyəyə düşməyib, yazır Business Insider.
Avro da dəyər itirib — 1,28% ucuzlaşaraq $1,02 səviyyəsinə düşüb. Bu, 2022-ci ilin noyabrındakı minimum göstəriciyə yaxındır.
ABŞ dollarının Çin yuanına qarşı məzənnəsi 7,26 CNY, Hindistan rupiyasına qarşı isə 87 INR-i keçərək tarixi rekord həddə çatıb.
Avstraliya dolları isə 2020-ci ildən bəri ən aşağı səviyyəyə enərək 1,6 AUD/USD nisbətinə düşüb.
Maliyyə bazarlarındakı bu enişin əsas səbəbi ABŞ prezidenti Donald Trampın Çin, Kanada və Meksikadan gətirilən mallara tarif tətbiq etməsi ilə bağlıdır.
Analitiklərə görə, bu tariflər ABŞ-da inflyasiyanın artmasına, faiz dərəcələrinin aşağı salınma tempinin ləngiməsinə və dünya iqtisadiyyatının böyümə tempinə mənfi təsir göstərə bilər.
Bu hadisələrin fonunda kriptovalyuta bazarı da kəskin enişlə üzləşib.
