E-ticarət nəhəngi Amazon, “Export Central” adlı bir transsərhəd e-ticarət alətini istifadəyə verdiyini elan edib. Bu yeni xidmət, satıcılara yerli Amazon mağazalarının olmadığı ölkələrdə belə Avropadakı daha çox müştəriyə çatmaq imkanı yaradır. Bu alət vasitəsilə, satıcıların elanlarını çoxaltmasına və ya yeni hesablar qeydiyyatdan keçirməsinə ehtiyac qalmır. Export Central satıcılara cəmi üç kliklə Avropanın 39 ölkəsinə ixrac etmə imkanı verir.
Amazon, yeni bir ixrac vasitəsi olan Export Central-i istifadəyə verdiyini açıqlayıb.
Satıcılar, Amazon mağazası olmayan ölkələrdə belə milyonlarla müştəriyə çatmaq imkanına sahibdirlər. Merchant Fulfilled Network (MFN) platformasının bir hissəsi olan bu xidmət, Avropanın 39 ölkəsindəki müştərilərə beynəlxalq çıxış imkanı yaradır və Avropa İxrac Proqramının bir parçasıdır. Yeni xidmətlə, Birləşmiş Krallıq, Fransa, Almaniya, İtaliya, İspaniya və Hollandiya kimi altı ölkədəki Amazon mağazasından satıcılar artıq Avropanın 39 ölkəsindəki müştərilərə çatacaq.
Yerli mağaza ehtiyacı yoxdur Amazon Export Central vasitəsilə satıcıların çatacağı ölkələrə Avstriya, Portuqaliya və Yunanıstan kimi yerli Amazon mağazası olmayan ölkələr daxildir. Lakin Hollandiya Amazon mağazasındakı satıcılar yalnız Belçikaya ixrac edə biləcəklər. Amazon bunun səbəbini mətbuat açıqlamasında bildirməyib. Normalda, online satıcılar, Amazon-da transsərhəd e-ticarət satışı həyata keçirə bilmək üçün Amazon-un yerli veb-saytında yeni hesab açmalıdırlar. Bu yeni proqramla, seçilmiş ölkələrdəki satıcıların artıq buna ehtiyacı qalmayacaq.
Satıcılar eyni anda bir neçə mağazadan göndərmə parametrlərini aktivləşdirə biləcək Amazon Export Central ilə bağlı edilən açıqlamaya görə, transsərhəd e-ticarət proqramının mövcud satıcı siyahılarına trafik və çevrilmə (konversiya) gətirəcəyi qeyd olunub. Avropa İxrac Proqramı, mövcud satıcı siyahılarına trafik və konversiya yönləndirərək böyümə fürsətləri yaradır. Proqram, Amazon Fulfilled (FBA) istifadə etməsindən və ya MFN platformasının bir hissəsi olmasından asılı olmayaraq bütün satıcılara açıqdır. Proqramla maraqlanan satıcılar artıq eyni anda bir neçə mağazadan göndərmə parametrlərini (qiymətlər və tranzit vaxtları daxil olmaqla) aktivləşdirə biləcək. Bu, Satıcı Hesabları üzərindən əldə edilə bilən Export Central-da yalnız üç kliklə həyata keçirilə bilər.
“Export Central, Amazon satıcıları üçün oyun qaydalarını dəyişir”
Amazon Avropa Satıcı Xidmətləri üzrə vitse-prezidenti Xavier Flamand deyib: “Biz hər zaman tərəfdaşlarımızın işlərini böyütmələrini dəstəkləyəcək yollar axtarırıq. Export Central xüsusilə Amazon mağazası olmayan ölkələrdə işlərini genişləndirmək istəyən satıcılar üçün oyun qaydalarını dəyişir. Satıcılar artıq məhsullarını Avropada problemsiz siyahıya sala və asanlıqla göndərə bilərlər.”
Flamand əlavə edib ki, “Proqramımız beynəlxalq genişlənmənin qarşısındakı ənənəvi maneələri aradan qaldıraraq sahibkarların ən yaxşı bildikləri işə, yəni möhtəşəm məhsullar yaratmaq və satmağa diqqət etmələrini təmin edir. Amazon olaraq, kiçik və orta sahibkarlıq subyektlərinə qlobal müştərilərə çatmaq üçün güclü vasitələr və xidmətlər təqdim edərək onları gücləndirməyə sadiqik.”
“Satıcılar orta hesabla 10 faizədək satış artımı gördülər”
FBA satıcıları heç bir əlavə ödəniş etmədən avtomatik olaraq Avropa İxrac Proqramına qeydiyyatdan keçirilir. Avropa mağazalarından Export Central-i aktivləşdirən satıcılar orta hesabla 10 faizə qədər satış artımı müşahidə ediblər. Sifarişlərini özləri yerinə yetirən MFN satıcılarının, Avropadakı beynəlxalq göndərmələr üçün çatdırılma xərclərini və tranzit vaxtlarını təmin etmələri tələb olunur.
Export Central ilə satıcı tərəfindən yerinə yetirilən ixracdan istifadə edən satıcılar üçün Amazon, seçilmiş mağazalar və hədəflər üçün beynəlxalq göndərmə parametrlərini öz adından aktivləşdirəcək və standart tranzit vaxtları və göndərmə haqları təklif edəcək. Satıcılar növbəti mərhələyə keçmədən və parametrləri tənzimləmədən əvvəl bu parametrləri nəzərdən keçirə və düzəlişlər edə biləcəklər.
