Amazon‘un Çin e-ticarət bazarına geri dönüşü qlobal e-ticarət dünyasında ən çox müzakirə edilən mövzulardan birinə çevrilib. Xatırladaq ki, şirkət 2019-cu ildə Alibaba və JD.com ilə rəqabətdə uduzaraq Çin bazarından çəkilmişdi.
Amazon niyə Çinə qayıtmaq istəyir?
Ekspertlərin fikrincə, Amazon-un bu addımı bir neçə əsas səbəblə bağlıdır: Çin bazarının misilsiz böyüklüyü, Temu və Shein kimi Çin mənşəli platformların qlobal bazarlarda Amazon-a ciddi rəqabət yaratması, həmçinin süni intellekt və bulud texnologiyalarının Çin bazarında genişlənmə imkanları. 7 il əvvəl Çin istehlakçılarının yerli brendlərə üstünlük verməsi Amazon-un ölkəni tərk etməsinə səbəb olmuşdu.
Bu dəfə strategiya fərqlidir
Yeni giriş strategiyasının əvvəlkindən köklü şəkildə fərqləndiyini bildirilir. e-ticarət nəhəngi bu dəfə bilavasitə istehlakçılara satış etmək əvəzinə cross-border ticarətə, AWS bulud xidmətlərinə və süni intellekt həllərinə fokuslanacaq. Alibaba və JD.com-un hələ də yerli bazarda güclü mövqe tutduğu nəzərə alınarsa, Amazon-un bu dəfə nə dərəcədə uğur qazanacağı sualı açıq qalır.
Mənbə: news.google.com
