Azərbaycanın ən böyük elektron ticarət platformalarından biri olan “Birmarket”də rəhbər vəzifə üzrə kadr dəyişikliyi baş verib.
“Birmarket”in yaradıcısı olan “Competo” MMC-nin direktoru vəzifəsinə Məmmədov Samir Sabir oğlu təyin edilib. O, bu təyinata qədər “PashaPay”in Baş icraçı direktoru (CEO) vəzifəsində çalışıb. Qeyd edək ki, həm “Birmarket”, həm də “PashaPay” PASHA Holdingə daxil olan qurumlardır.
Bundan əvvəl “Competo” MMC-nin rəhbəri vəzifəsini Qulaməliyev Rauf İlham oğlu icra edirdi.
Şirkət 178 milyon 383 min 780 manat nizamnamə kapitalı ilə yaradılıb və 2018-ci il 9 fevral tarixində dövlət qeydiyyatına alınıb.
Xatırladaq ki, Azərbaycanda fəaliyyət göstərən rəqəmsal loyallıq və ödəniş platforması “Umico”nun mobil tətbiqi 1 iyul 2025-ci il tarixindən etibarən “Birmarket” brendi ilə fəaliyyətini davam etdirir.
