Bu gün Uber taksi xidmətinin istifadəçiləri xidmət haqqına əlavə 0.1₼ əlavə edildiyi haqqında mesaj alıblar. Mesajda əlavə xidmət haqqının şirkətin taksi xidmət keyfiyyətinin artırılmasına yönləndiriləcəyi haqqında məlumat verilir. Maraqlıdır ki, qeyd olunmuş 10 qəpiklik artım bir neçə gün öncədən tətbiq edilməyə başlansa da, bu haqqda məlumat məhz mesaj ilə göndərildikdən sonra, yayılmağa başladı.
Qeyd etmək istərdik ki, 0.1₼ əlavə xidmət haqqı Uber və Yango taksi xidmətlərində aktivləşdirilib. Belə ki, Azərbaycan ərazisində Uber və Yango taksi şirkətləri, Hollandiya mərkəzli Rusiyanın Yandex şirkəti tərəfindən idarə olunur. Bolt, Yango və digər taksi şirkətlərində analoji artım müşahidə edilməyib.
Ancaq, Uber tətbiqindən fərqli olaraq, Yango tətbiqində qeyd olunmuş artım hələ mesaj şəklində göndərilməsə də, taksi sifariş etmək istədikdə, qiymət bölməsində 0.1₼ əlavə xidmət haqqı da qeyd olunur.
