TikTok Azərbaycandakı reklam tərəfdaşının adını açıqladı

Əvvəllər “Httpool by Aleph” kimi tanınan və dünya üzrə aparıcı rəqəmsal reklam platformalarının əsas satış təmsilçisi olan “Aleph”, TikTok-un Azərbaycanda reklam imkanlarını təqdim etmək üçün rəsmi tərəfdaş seçilib.

Şirkətdən verilən məlumata görə, bu strateji tərəfdaşlıq Aleph-ə, ölkədəki böyük və aktiv istifadəçi auditoriyasına çıxmaq istəyən bizneslər üçün unikal reklam həlləri təqdim etməyə imkan verəcək.

TikTok-un Azərbaycanda rəsmi tərəfdaşı kimi Aleph, reklam həllərini yerli bazara təqdim edəcək, TikTok-un regional komandası ilə birlikdə müştərilər üçün optimal strategiyalar və həllər tapacaq, onlarla ən yaxşı təcrübələrini bölüşəcək. Hazırda dünya üzrə 1 milyarddan çox istifadəçi auditoriyası olan TikTok Azərbaycanda da sürətlə populyarlıq qazanmağa davam edir. Bu tərəfdaşlıq brendlərə dünyanın ən innovativ platformalarından birinin aktiv icması ilə əlaqə qurmaq üçün əla bir imkan yaradacaq.

TikTok Qlobal Biznes Həllərinin Şərqi Avropa və Mərkəzi Asiya üzrə baş direktoru Anastasiya Panina deyib: “Azərbaycanda TikTok-un reklam tərəfdaşı olaraq Aleph ilə əməkdaşlığımızı elan etməkdən məmnunluq duyuruq. Biz bu ekosistemi daha da inkişaf etdirməyi planlaşdırırıq və bu tərəfdaşlıq sayəsində Azərbaycandakı reklamverənlər digər platformaların təqdim edə bilməyəcəyi yeni rəqəmsal reklam formatlarına çıxış əldə edəcək, eyni zamanda da peşəkar yerli servisdən faydalanacaqlar.”

Aleph şirkətinin regional direktoru Sergey Dovedov bildirib: “TikTok qısa mobil videoların yerləşdirilməsi üçün aparıcı platformadır. Azərbaycandakı tərəfdaşlığımız reklamverənlərə agentliklərə, kiçik və orta biznesə TikTok-un innovativ reklam həllərinə çıxış imkanı yaradaraq, onların biznes məqsədlərini effektiv şəkildə həll etmələrinə kömək edəcək. Tərəfdaşlarımızı öyrədərək və onlarla biliklərimizi bölüşərək hər kəs üçün rəqəmsal reklama çıxışı təmin etmək missiyamıza sadiq qalırıq.”

TikTok qısa mobil videolar üçün aparıcı platforma olaraq, yaradıcılıq  və özünüifadə üçün geniş imkanlar təklif edir.  Qlobal istifadəçi və müəllif  icması ilə TikTok, dünya miqyasında müxtəlif məzmun və təcrübələr təqdim edir ki, bu da geniş auditoriyalara təsir göstərir.

ölkədə fəaliyyət göstərən və 26 000-dən çox reklamverəni  3 milyarddan çox istehlakçı ilə birləşdirən qlobal, rəqəmsal reklam şirkətidir. TikTok, X, Microsoft, Google daxil olmaqla 60-dan çox aparıcı rəqəmsal media platforması ilə tərəfdaşlıq edərək, Aleph bizneslərə və icmalara inkişaf etməkdə olan  bazarlarda dəstək verir. Şirkət lokalizə olunmuş həllərlə birlikdə müstəqil texnologiyalar təqdim edir, yerli sənaye və platforma ekspertlərindən  ibarət komandalarla xidmət göstərir.

Aleph və TikTok qlobal əməkdaşlığa 2019-cu ildə Latın Amerikasının və Avropanın bazarlarını əhatə etməklə başlayıblar. 2024-cü ilə qədər onlar bu əməkdaşlığı Azərbaycanın da daxil olduğu yeni bazarları əhatə edəcək şəkildə genişləndirdilər. 2024-cü ilə qədər isə əməkdaşlığın təsir dairəsini Azərbaycana qədər daha da genişləndiriblər.

spot_imgspot_img

Oxşar xəbərlər

Terminal ödənişlərində 500 AZN-dən yuxarı əməliyyatlar üçün yenilik tətbiq olunur

500 AZN-dən yuxarı terminal ödənişləri üçün istifadəçilər şəxsiyyətlərini Bir ID, SİMA və ya MyGov vasitəsilə təsdiqləməlidir.

JPMorgan və DBS müştərilərə həftəsonu sərhədlərarası dollar köçürməsinə icazə verir

JPMorgan və DBS tokenləşdirilmiş dolların həftəsonu sərhədlərarası köçürülməsinə imkan verən şəbəkə inteqrasiyasını elan edib.

Rusiyada vətəndaşların üçdə ikisi son ayda marketplace-lərdən alış-veriş edib

Rusiyada sorğu göstərib ki, vətəndaşların təxminən üçdə ikisi son bir ay ərzində marketplace platformalarından alış-veriş edib.

Rusiyada banklar müştərilərdən VÖEN tələb edə biləcək: hesablara giriş məhdudlaşdırıla bilər

Rusiya Mərkəzi Bankı bankların müştərilərdən VÖEN tələb etməsini və təqdim edilmədikdə hesab məhdudiyyətləri qoymasını təklif edib.

Stark Future 1,2 milyard avro dəyərləmə ilə 150 milyon avrodan çox investisiya alıb

Elektrik motosiklet istehsalçısı Stark Future 1,2 milyard avro dəyərləmə üzərindən 150 milyon avrodan çox investisiya cəlb edib.
spot_img