Cənubi Afrikanın ən böyük e-kommersiya platforması Takealot sürətlə inkişaf edən “quick-commerce” seqmentində bugüne qədərki ən iddialı addımını atıb: “Get It Now” adlı yeni ani çatdırılma pilot xidmətini istifadəyə verib.
Takealot bu xidməti geniş sürücü şəbəkəsinə sahib olan Mr D ilə əməkdaşlıq çərçivəsində işə salıb. Xidmətin məqsədi gündəlik tələbat məhsullarını və populyar məhsulları cəmi bir neçə dəqiqəyə çatdırmaqdır. Pilot layihə hazırda Keyptaun, Yohannesburq və Pretoriyanın seçilmiş ərazilərində mövcuddur. Takealot bu təşəbbüsü Checkers Sixty60, Instacart və DoorDash kimi beynəlxalq nümunələrə uyğun olan yeni sürət standartı kimi təqdim edir.
Uyğun məhsullarda “Get It Now” etiketi görünəcək
Takealot-un açıqlamasına görə, şərtlərə uyğun məhsullar platformada xüsusi “Get It Now” etiketi ilə işarələnəcək. Müştəri bu seçimi etdikdə, məhsul “TakealotNOW” vasitəsilə emal ediləcək və Mr D tətbiqi ilə bir neçə dəqiqəyə çatdırılacaq. Beləliklə, çatdırılma vaxtı bir neçə saatdan bir neçə dəqiqəyə enəcək.
“Biz Cənubi Afrikalıların nə istədiyini anlayan bir ekosistem qururuq”
Şirkət bildirir ki, pandemiyadan sonra Cənubi Afrikada e-kommersiya sürətlə böyüyüb və çatdırılma sürəti ilə bağlı gözləntilər kəskin dəyişib.
Takealot-un Marketinq Direktoru Karla Levick deyib:
“Takealot təkcə ölkənin bir nömrəli alış-veriş tətbiqi deyil. Mr D ilə birlikdə biz Cənubi Afrikalıların nə istədiyini həqiqətən anlayan bir ekosistem yaradırıq. İnsanları ən çox sevindirən isə ehtiyac duyduqları şeyi dəqiq həmin anda — cəmi bir neçə dəqiqəyə — əldə etməkdir.”
Takealot tam inteqrasiya olunmuş rəqəmsal ekosistem qurur
“Get It Now” xidməti şirkətin son illərdə istifadəyə verdiyi əlavə dəyər xidmətlərinin davamıdır. 2024-cü ildə təqdim olunan TakealotMORE loyalıq proqramı müştərilərə aşağıdakı üstünlükləri verir:
- Takealot, Mr D və TakealotNOW üzrə limitsiz pulsuz çatdırılma
- Pick n Pay mağazalarından mağaza qiymətlərilə pulsuz ərzaq çatdırılması
- News24 platformasına ödənişsiz giriş
Bu xidmətlərin hamısı günə 4 randdan az məbləğə təklif olunur. Şirkətin strategiyası e-kommersiya, ərzaq çatdırılması, gündəlik məhsul çatdırılması və ani pərakəndə satış modellərini vahid ekosistemdə birləşdirməkdir.
TakealotNOW-un rəhbəri Marnus Engelbrecht bildirir:
“2023-cü ildə TakealotNOW ilə Cənubi Afrikada ilk dəfə ümumi məhsullar üçün ani çatdırılmanı mümkün etdik. Geri dönüşlər göstərdi ki, insanlar təkcə ərzaqda deyil, bütün kateqoriyalarda ani xidmət istəyir. Get It Now bu vizyonu daha da irəli aparır.”
Sürətli çatdırılma üçün 1 000-dən çox məhsul artıq mövcuddur
Sənaye ekspertləri hesab edir ki, pilot layihə uğurlu olarsa, “Get It Now” ölkə üzrə genişlənə və ərzaqdan kənar kateqoriyalarda da yeni sürət standartı yarada bilər. Artıq 1 000-dən çox məhsul sürətli çatdırılma etiketi ilə mövcuddur ki, bu da Takealot-un ultra-sürətli logistika, mikro-fulfilment mərkəzləri və real vaxt inventar idarəetməsində güclü mövqeyə malik olduğunu göstərir.
Xidməti sınamaq istəyən istifadəçilər Takealot tətbiqini Android və ya
