Tələbələrə şad xəbər – Gənclərə yeni qapılar açılır

İdeyanı Birbank-ın “Spark Tələbə İnnovasiya proqramı” ilə gerçəkləşdir

Ölkənin ilk rəqəmsal bankı Birbank bankçılıq sahəsində yeni ideyaları olan, innovativ həllər təqdim etmək istəyən, yenilikçi tələbələrə unikal imkanlar yaradır. 16 oktyabr tarixində start verilən “Spark Tələbə İnnovasiya proqramı” böyük hədəfləri və arzuları olan gənclərə yeni qapılar açır.

Proqramda ölkə üzrə ali məktəblərdə 3 və 4-cü kursda təhsil alan, orta göstəriciləri 70 və üzəri olan bakalavr və magistr tələbələrinə iştirak imkanı yaradılacaq. İştirakçı olmaq istəyən tələbələr məhsul sahibi, biznes analitik, developer, dizayner rollarını icra edən 4 nəfərlik komanda formasında layihəyə müraciət edə bilər.

İdeyası bəyənilən və “İlkin qiymətləndirmə”, “Tapşırıq”, “Müsahibə” mərhələlərini uğurla keçən komandalar layihədə iştirak hüququ qazanacaqlar. Daha sonra onlar üçün yeni biliklər, təcrübələrlə dolu bir mərhələyə start veriləcək. Onlara Birbank-ın peşəkar mütəxəssisləri tərəfindən həyata keçirilən xüsusi mentorluq, təcrübə proqramı və təlimlərdə iştirak imkanları yaradılacaq. Proqramın final mərhələsində isə komandalar ideyalarını təqdim edəcəklər. Proqramın yekunlarına əsasən, ideyaları ən uğurlu hesab edilən 3 komanda müvafiq olaraq 4000, 2000 və 1000 manat məbləğində mükafat qazanacaq.

Müraciət və qeydiyyat üçün: www.kbl.az/tpi

Layihənin məqsədi yeni texnologiya və innovasiyalara marağı olan gəncləri bir araya gətirmək, onların gələcək fəaliyyətini stimullaşdırmaq, real iş mühitində praktiki təcrübə imkanı yaratmaqdır. “Spark Tələbə İnnovasiya proqramı” həmçinin gənclərə komanda işi, şəbəkələşmə, müasir bankçılıq mühitində layihələrin idarə edilməsi kimi bacarıqlar da qazandıracaq.

Daim ən son rəqəmsal yeniliklər və bank məhsulları təqdim edən Kapital Bank-ın əmtəə nişanı olan Birbank, 3 milyondan çox aktiv istifadəçisi olan mobil tətbiqi, 119 filial və 52 şöbədən ibarət Azərbaycanda ən böyük filial şəbəkəsi ilə müştərilərinin xidmətindədir. Bank 2025-ci ilədək ölkənin birinci bankı Kapital Bank adı altında müştərilərinə xidmət göstərib və PAŞA Holding-ə daxildir. Kapital Bank isə hazırda maliyyə institutu olaraq fəaliyyətini davam etdirir. Bankın məhsul və xidmətləri barədə daha ətraflı məlumat almaq üçün  https://birbank.az/ saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

spot_imgspot_img

Oxşar xəbərlər

Wildberries-də rəhbər dəyişikliyi: Tatyana Kim vəzifəsini tərk etdi

Wildberries marketplace platformasının təsisçisi Tatyana Kim baş direktor vəzifəsindən getdi, şirkətə Aleksey Kulikov rəhbərlik edəcək.

Signal süni intellekt nəzarətinə qarşı ekran görüntülərini məhdudlaşdırır

Signal süni intellekt əsaslı nəzarət təhlükəsinə qarşı Android və iOS tətbiqlərində ekran görüntüsü çəkmə imkanını məhdudlaşdırıb.

Avropa Mərkəzi Bankı tokenləşdirilmiş depozitlər üzrə tərəfdaşlar axtarır

Avropa Mərkəzi Bankı Appia təşəbbüsü çərçivəsində tokenləşdirilmiş depozitlər və qiymətli kağızlar üzrə eksperimentlər üçün tərəfdaşlar axtarır.

Bitcoin iki ilin minimumuna düşdü: qiymət 56 min dollaradək azaldı

Bitcoin iki ilin ən aşağı səviyyəsinə enərək 56 min dollar həddini keçib, günün ikinci yarısında isə 60 min dollar ətrafında sabitləşməyə çalışır.

MiniMax təsisçisi sərvətinin 90 faizini itirdi: süni intellekt bazarında narahatlıq artır

Çinin MiniMax şirkətinin təsisçisi Yan Junjie şirkətin dəyərinin kəskin azalması səbəbindən milyarder statusunu itirib.
spot_img