Rusiyanın “T-Bank” işıq diodları ilə təchiz edilmiş Black debit ödəniş kartını təqdim edib. İstifadəçi alış-veriş üçün kartı terminala yaxınlaşdırdıqda işıq diodları yanır.
Bankın qeyd etdiyinə görə, işıq diodları üçün enerji doldurulmasına və əlavə enerji mənbələrinə ehtiyac yoxdur. Ümumilikdə şirkət dörd dizayn təqdim edib: pişik, mayak, kosmik gəmi və avtomobil ilə. Bank öncədən sifarişə start verib, mövcud müştərilər üçün kartın qiyməti 1000 rubl təşkil edir.
“T-Bank” (əvvəllər – “Tinkoff”) müntəzəm olaraq müxtəlif dizaynlarla kartlar təqdim edir – məsələn, Tretyakov Qalereyasının rəsmləri və ya “Kral və Şut” dizaynları ilə. 2019-cu ildə bank ağ qızıldan hazırlanmış kart buraxmış, 2021-ci ildə isə Twitter-də (indiki X) aparılan yazışmadan sonra Burger King ilə məhdud buraxılış birgə kartını təqdim etmişdi.
