Bu şənbə axşamı saat 20:00 radələrində, Telegram tətbiqinin qurucusu və baş direktoru Pavel Durov Fransanın Le Bourget hava limanında şəxsi təyyarəsindən endiyi zaman saxlanılıb. 39 yaşlı fransız-rus mənşəli Durov cangüdəni və bir qadınla birlikdə saxlanılıb.
Onun saxlanılması Fransa Hava Nəqliyyatı Jandarmeriyası (GTA) tərəfindən həyata keçirilib. Pavel Durov axtarışda olan şəxslərin siyahısında (FPR) qeydiyyatda oluv və o, Azərbaycandan getdiyi zaman həbs edilib. Durov Fransa Milli Polis İdarəsinin OFMIN bölməsi tərəfindən verilmiş bir araşdırma əsasında axtarışa verilmişdi.
Bir müstəntiqin sözlərinə görə, “Pavel Durov mütləq müvəqqəti həbsdə saxlanılacaq”. “Onun platformasında çoxsaylı cinayətlər və hüquq pozuntuları baş verib və Durov bu hallarla bağlı nəzarət etmək və ya əməkdaşlıq etmək üçün heç bir addım atmayıb”, deyə məsələdən xəbərdar bir mənbə bildirib.
Durovun məhkəmə qərarı ilə müvəqqəti həbs olunması şübhə doğurmur. Milyarder Durov qaçmaq üçün kifayət qədər maddi imkanlara malikdir və onun məhkəmə qarşısında cavab vermək üçün zəmanətləri hakimləri inandırmayacaq.
Beynəlxalq Rezonansa Səbəb Olan Əməliyyat
Müstəntiqlər üçün bu beynəlxalq əhəmiyyətli əməliyyat bir neçə məqsəd daşıyır. Əvvəlcə, Telegram istifadəçiləri arasında cinayət törədənləri qorxutmaq və onları bu fəaliyyətlərdən çəkindirmək məqsədi daşıyır. İkincisi, Avropa ölkələrini, təhlükəsizlik mövzusunda əməkdaşlığı artırmağa təhrik etmək və Telegram-ı terrorizm halları ilə bağlı daha sıx əməkdaşlığa məcbur etməkdir.
Telegram cinayət fəaliyyətləri üçün əsas platforma kimi tanınır. Hal-hazırda, Telegram, qanunsuz olaraq Ligue 1 futbol oyunlarının yayımlanması ilə bağlı xəbərlərdə yer alır. Ancaq bu şifrəli mesajlaşma tətbiqində təşkil edilmiş cinayətkarlıqla məşğul olan çox sayda hesab var. Terrorizmdən əlavə, ən təhlükəli pedofil qrupları Telegram-da əlaqə qurur və məzmun mübadiləsi edir. “Telegram, artıq illərdir ki, təşkil edilmiş cinayətkarlıq üçün bir nömrəli platformaya çevrilib”, deyə bir müstəntiq qeyd edib.
Xatırladaq ki, Pavel Durov bir neçə gündür Azərbaycanda idi. Yayımlanan məlumatlara görə eyni vaxta Bakıda səfərdə olan Vladimir Putin Telegram qurucusu ilə görüşdən imtina etmişdi.
