Ozon şirkətinin məlumatına görə, yeni bəxşiş xidməti artıq Moskva və Moskva vilayətində istifadəyə verilib və 2025-ci ilin noyabr ayının sonunadək bütün regionlarda əlçatan olacaq.
İstifadəçilər bəxşişi birbaşa Ozon tətbiqi vasitəsilə verə bilərlər — sifarişin ödənişi zamanı və ya sonradan. Bundan əlavə, bəxşişin avtomatik qaydada tutulmasını aktivləşdirmək mümkündür ki, hər dəfə əlavə təsdiq tələb olunmasın.
Sifarişin rəsmiləşdirilməsi zamanı 10–200 rubl, sifarişi təhvil alarkən isə 20–300 rubl arasında bəxşiş buraxmaq mümkündür. Ödənilən vəsait, sifarişi təhvil verən əməkdaşın iş hesabına yönləndiriləcək və onun “Ozon Bank”dakı hesabına köçürüləcək.
Şirkət bildirir ki, digər bankların kartları ilə bəxşiş ödənişləri zamanı Ozon ödəniş emalı üçün müəyyən komissiya tutacaq, lakin dəqiq məbləğ açıqlanmır. Bu komissiyanın istifadəçi tərəfindən qarşılanıb-qarşılanmaması isə hələlik məlum deyil. “Ozon Bank” kartı ilə ödəniş edildikdə heç bir komissiya tutulmayacaq.
Qeyd edək ki, sifarişlərin təhvil verildiyi məntəqələrin əməkdaşlarına bəxşiş xidməti artıq Wildberries və Yandex Market platformalarında da mövcuddur.
