Mərkəzi Bank “KorpON” şirkətini “PAŞA Bank” ödəniş agenti kimi təsdiqlədi

Azərbaycan Mərkəzi Bankı “KorpON” MMC-ni “PAŞA Bank” ASC-nin rəsmi ödəniş agenti statusu ilə təsdiqləyib.

Banker.az AMB-yə istinadən xəbər verir ki, tənzimləyici banklar arasında ilk dəfə bank ödəniş agentini təsdiqləyib.

Ödəniş agenti – bank, ödəniş təşkilatı və ya elektron pul təşkilatı ilə bağladığı müqavilə əsasında onun adından ödəniş xidmətlərini göstərən hüquqi və ya fiziki şəxs hesab olunur. Bu fəaliyyət ödənişlərin qəbulundan nağdlaşdırılmasına qədər geniş xidmət spektrini əhatə edir.

Qeyd edək ki, Mərkəzi Bank nəzarət subyektləri və ödəniş agentlərinin reyestrini aparır və həmin reyestr ictimaiyyət üçün açıqdır. Reyestrdə agentlərin adı, hüquqi ünvanı, rəhbər şəxsləri, fəaliyyət növləri və lisenziyalar barədə məlumat əks olunur.

2021-ci ildə yaradılmış “KorpON” MMC əsasən hüquqi və fiziki şəxslərin iri həcmli nağd ödəniş və inkassasiya proseslərini optimallaşdırmaq məqsədi ilə fəaliyyət göstərir. Şirkət eyniadlı “KorpON” ticarət nişanı ilə tanınır və Bakıda 50-dən çox ünvanda – o cümlədən “PAŞA Bank”ın filiallarında, eləcə də “Bravo”, “Araz”, “Grand”, “Rahat”, “Bazarstore”, “Bolmart” supermarketlərində və “Gənclik Mall” ticarət mərkəzində öz terminalları vasitəsilə xidmət göstərir.

Bununla yanaşı, “KorpON” yalnız ödənişlərin toplanması ilə deyil, həm də müştərilər üçün nağd vəsaitlərin sığortalı şəkildə inkassasiyasını həyata keçirir.

Hal-hazırda, yalnız “PASHA Bank” müştəriləri KorpON terminallarından istifadə edə bilərlər. Digər bankların da inteqrasiya prosesi davam edir. Üç il öncə isə “Yelo Bank” və “Xalq Bank” açıqlamışdı ki, bütün müştəriləri “KorpOn” terminalları vasitəsilə hesaba mədaxil əməliyyatlarını həyata keçirə bilərlər.

spot_imgspot_img

Oxşar xəbərlər

Whelp və CibPay əməkdaşlığa başlayıb

Azərbaycanın süni intellekt texnologiyaları sahəsində fəaliyyət göstərən aparıcı şirkətlərindən...

Azərbaycan bankları ödənişlərdə “Az-QR” standartına keçəcək

Azərbaycanda bütün ödəniş nöqtələrində alıcılara "QR"la ödənişlər təklif ediləcək. Bu...

Pasha Holding Sea Breeze ərazisində çatdırılma üçün yeni mobil tətbiq istifadəyə verib

İT innovasiya sahəsində fəaliyyət göstərən Competo MMC (Paşa Holdinqin...

OpenAI-dən Yeni Dövrün Başlanğıcı: ChatGPT Agent Artıq Kompüterinizin Əsl Operatorudur

OpenAI tənbəllər üçün deyil, gələcəyin istifadəçisi üçün nəzərdə tutulan...

OpenAI ChatGPT-də e-ticarət imkanı tanıdacaq

OpenAI ChatGPT-də sifarişlərin rəsmiləşdirilməsi sistemini əlavə etməyi planlaşdırır ki,...
spot_img