Ekspertlər bildirir ki, bu tendensiya fond bazarına da təsir göstərə bilər.
🔻 Bitcoin bu gün 08:24 6,5% azalaraq $93,000-a düşüb. Gedişatda $92,000 səviyyəsinə qədər eniş qeydə alınıb. Ethereum (ETH) isə 20% itirərək $2475-ə, bəzi anlarda isə $2326-ya qədər düşüb.
🔹 Digər kriptovalyutalar da ciddi dəyər itirib:
• XRP – 22,7% ucuzlaşaraq $2.24-a enib
• Solana (SOL) – 7,2% düşərək $195.5 səviyyəsinə çatıb
• BNB – 14,77% dəyər itirərək $558-a düşüb
• Dogecoin (DOGE) – 23,65% enərək $0.2-ə qədər geriləyib
• Trump tokeni – 15,7% ucuzlaşaraq $17.67-ə düşüb
💥 Çöküşün əsas səbəbi: ABŞ Prezidenti Donald Trump-ın Çin, Kanada və Meksikadan idxal edilən mallara yeni gömrük tarifləri tətbiq etməsi. İnvestorlar, bu qərarın ABŞ iqtisadi artımına və şirkətlərin gəlirlərinə mənfi təsir göstərəcəyindən narahatdırlar. Bundan əlavə, bu tariflərin ölkədə inflyasiya dalğası yaradacağı ehtimal olunur.
💰 Bazarda rekord həcmdə likvidasiya:
CoinGlass-ın məlumatına görə, kriptovalyutalar üzrə ümumi likvidasiya məbləği $2.1 milyardı ötüb. Decrypt nəşri isə bildirir ki, kriptovalyuta bazarı tarif qərarına ilk reaksiya verən sektor olub və bunun ardınca fond bazarında da eniş müşahidə edilə bilər.
📉 İnvestorlar həmçinin, Trump-dan kriptovalyuta bazarını stimullaşdırmaq və tənzimləməni yüngülləşdirmək üçün atılacaq addımlar gözləsə də, bu sahədə heç bir konkret qərarın olmamasından narazıdırlar, – qeyd edir Reuters.
