Kontakt fəaliyyət istiqamətlərini genişləndirərək avtomobil və avtomobil məhsullarının satışına başladığını açıqlayıb. Şirkətin məlumatına görə, müştərilər artıq müxtəlif markalı avtomobilləri birbaşa platforma üzərindən seçərək sifariş edə bilərlər.
Yeni xidmət çərçivəsində alıcılara kreditlə rəsmiləşdirmə, daxili lizinq imkanları, sərfəli qiymətlər, rəsmi servis və zəmanət xidmətləri təqdim olunur. Eyni zamanda bəzi modellər üzrə nağd alış zamanı xüsusi endirimlər də tətbiq edilir.
Bununla yanaşı, şirkət avtomobil məhsulları kateqoriyasını da genişləndirib. Müştərilər artıq avtomobil lampaları, filtrlər, mühərrik yağları, müşahidə kameraları, telefon tutacaqları, adapterlər və digər aksesuarları onlayn sifariş edə bilərlər.
Şirkət bildirir ki, yeni xidmətlər avtomobil sahiblərinin həm nəqliyyat vasitəsi, həm də ona aid ehtiyaclarını vahid platforma üzərindən qarşılamağa imkan verəcək. Məqsəd isə avtomobil alışını və avtomobil məhsullarının əldə edilməsini daha rahat və əlçatan etməkdir.
