Rəqəmsal yaradıcı şəxslər və oyun streamerlərinin öz pərəstişkarlarından dəstək almalarına kömək edən Kofe.al layihəsi, bir neçə həftə öncə toplanmış vəsaitlərin nağdlaşdırılmasını dondurmuşdu. Buna səbəb, nağdlaşdırma partnyoru olan MPay cüzdanının öz birinci versiyasının fəaliyyətini dayandıraraq, MPay 2.0 cüzdanına keçidi olmuşdu. MPay yeni cüzdana keçid zamanı öz API kodlarında dəyişikliklər etdiyindən, nağdlaşdırılma bir müddət dondurulmuşdu.
Dünən Kofe.al rəsmi sosial media səhifələrində, MPay cüzdanına nağdlaşdırılmasının aktivləşdirildiyi barədə məlumat paylaşılıb. Kofe.al üzvlərinin nağdlaşdırmanı problemsiz həyata keçirə bilmələri üçün bir neçə məqama diqqət etmələri lazımdır;
Nağdlaşdırmanın aktivləşdirilməsi üçün, üzvlərin verifikasiyası edilməsi lazımdır. Kofe.al fraud hallarının qarşısını almaq məqsədilə, üzvlərin handı sosial mediya kanalları vasitəsilə kofe.al keçidlərini paylaşdıqlarını və aktivliklərini yoxlayaraq, şəxsin həqiqiliyini təsdiq etdikdən sonra, verifikasiyanı tamamlayır.
Eyni zamanda MPay cüzdanının birinci versiyası artıq aktiv deyil və nağdlaşdırma üçün MPay 2.0 cüzdanı endirilərək, aktivləşdirilməsi lazımdır.
Kofe.al nağdlaşdırma zamanı tətbiq edilən 3 AZN-lik limiti da, 1 AZN olaraq təyin edib.
