Karqo məntəqələrinə lisenziya qalmaqalı

“Starex” karqo şirkətinin də daxil olduğu “Star Group” şirkəti sürətli poçtdaşıma bazarında rəqabət qaydalarının pozulduğunu bildirir.

Şirkətdə Biznesin İnkişafı və Əməliyyat Direktoru Pərviz Əzimov Facebook sosial şəbəkəsində yazıb ki, bir çox karqo şirkəti lisenziyasız fəaliyyət göstərir, bu da rəqabət qaydalarını pozur: “Rəsmi qurumlara müraciət edirik ki, ya lisenziya qaydasını ləğv edin, ya da lisenziyasız yerləri bağlayın. Düz 1 ildir rəsmi qurumlarla bu məsələ üzrə yazışmadayıq”. 

Pərviz Əzimov qeyd edib ki, Rəqəmsal İnkişaf və Nəqliyyat Nazirliyinə, İnformasiya Kommunikasiya Texnologiyaları Agentliyinə, İqtisadiyyat Nazirliyinin bütün aidiyyatı qurumlarına, Baş Prokurorluğa müraciət etmələrinə baxmayaraq lisenziyasız fəaliyyət göstərən şirkətlər ilə bağlı bir tədbir görülmür. 

“Dövlətin ən ali orqanları qalıb 3-4 şirkətin əlində. Bilmirik hər şikayətdən sonra həmin şirkətlər rəsmi qurumlarla məsələni necə həll edir, amma görünən odur ki, necəsə həll edə bilirlər. Bu gedişlə başqa yol qalmır. Yeganə çarə palaza bürünüb, elnən sürünməkdir. Çünki lisenziya alıb, o qədər xərc çəkməyin mənası yoxdur. Onsuz heç kim baxmır. Biz də başlayaq lisenziyasız yerlər açmağa”,– Pərviz Əzimov qeyd edib.

Qeyd edək ki, karqo fəaliyyəti (sürətli poçtdaşıma) üçün lisenziya almaq tələb olunur. Karqo şirkəti xidmət göstərdiyi hər bir yer üçün lisenziya almalıdır. Bu lisenziyanı almaq da çox da rahat bir iş deyil: Rüsumlar, qanuna görə alınmalı invertarlar var, həmin obyektin xüsusi sənədləri olmalıdır və s.

spot_imgspot_img

Oxşar xəbərlər

Türkiyədə e-ticarət həcmi 2023-cü ildə 1,85 trilyon lirəyə çatıb

Türkiyədə e-ticarət həcmi 2023-cü ildə 1,85 trilyon lirəyə çatıb....

Google Hindistanın e-ticarət nəhəngi Flipkarta 350 milyon dollar sərmayə qoyur!

Bengaluru mərkəzli Flipkart, Android istehsalçısı Google ilə razılaşmanın bir...

Amazon Böyük Britaniyada mikromobil mərkəzləri qurur

Amazon, Böyük Britaniyadakı müştərilərə çatdırılmanı daha efekktiv etmək üçün...

LC Waikikidən yeni lcw.com marketplace təqdim edilib

LC Waikiki, İstanbul Rəqəmsal Təcrübə Muzeyində öz e-ticarət saytı...

Umico-ya yeni rəhbər təyin edilib

Competo MMC-nin rəhbərliyində dəyişiklik baş verib. Belə ki, Competo...
spot_img