Ötən ilin dekabr ayında Azərbaycanda bütün platformalarda (kompüter, mobil cihazlar və planşetlərdə) süni intellekt (AI) “chatbot”u olan “ChatGPT”nin bazar payı 90,78 % təşkil edib.
“Statcounter” agentliyinə istinadən bu, noyabr ayına nisbətən 3,29 faiz bəndi azdır.
İkinci pillədəki “Google Gemini”nin bazar payı ay ərzində 2,33 faiz bəndi artaraq 4,24 % təşkil edib. Beləliklə onun bazar payı ay ərzində 2,2 dəfə artıb.
Növbəti yerdə qərarlaşan “Perplexity”nin bazar payı dekabrda 0,97 faiz bəndi artaraq 2,88 % olub.
Dördüncü yerdəki “Microsoft Copilot”un bazar payı 1,7 % olub. Bu, əvvəlki ayın göstəricisindən 0,1 faiz bəndi azdır.
İlk beşliyi 0,4 %-lik bazar payı ilə “Claude” qapayır. Onun payı noyabr ayı ilə müqayisədə 0,08 faiz bəndi artıb.
Müxtəlif platformaların bazar payına görə AI “chatbot”larının ilk beşliyi aşağıdakı kimidir:
Kompüterlərdə:
“ChatGPT” – 90,68 % (noyabra nisbətən 3,25 faiz bəndi az);
“Google Gemini” – 4,19 % (+2,55 faiz bəndi);
“Perplexity” – 2,82 % (+0,92 faiz bəndi);
“Microsoft Copilot” – 1,88 % (-0,27 faiz bəndi);
“Claude” – 0,44 % (+0,06 faiz bəndi).
Mobil cihazlarda:
“ChatGPT” – 91,72 % (-3,05 faiz bəndi);
“Google Gemini” – 4,73 % (+1,46 faiz bəndi);
“Perplexity” – 3,55 % (+1,59 faiz bəndi);
Planşetlərdə:
“ChatGPT” – 100 % (dəyişməyib);
