“Azərpoçt” yeni veb-saytını istifadəyə verib

Bir poçt müştərisi poçt şöbəsinə yaxınlaşmadan onu maraqlandıran bir sıra sualların cavablarını bu saytda tapa biləcək.

2021-ci ildən yenilənmə mərhələsinə keçid edən milli poçt operatoru – “Azərpoçt” MMC-nin veb-saytı yenilənib. 

Şirkətin yaydığı məlumatda bildirilir ki, saytın müasir dizaynda tərtibatı istifadəçiyə maraqlı olan bütün məlumatları asanlıqla əldə etməyə imkan yaradır.

Qeyd edilib ki, üç dildə (Azərbaycan, rus və ingilis) fəaliyyət göstərəcək veb-sayt geniş təhlil edilmiş müştəri tələbləri əsasında hazırlanıb.

Belə ki, bir poçt müştərisi poçt şöbəsinə yaxınlaşmadan onu maraqlandıran bir sıra sualların cavablarını bu saytda tapa biləcək. Misal üçün, beynəlxalq və ölkədaxili göndərişlər, daşınma şərtləri və qaydaları kimi müştərini maraqlandıran ilkin sualların cavabları, eləcə də maliyyə və poçt kalkulyatoru kimi funksionallıqlar saytda öz əksini tapıb.

Bundan başqa, istifadəçilər üçün daha zəruri hesab edilən poçt şöbələrinə dair yeni bir funksionallıq da təqdim olunub. Artıq yeni saytda vətəndaşlar öz ünvanlarına xidmət göstərən poçt şöbələrini tapa biləcək, həmçinin bir poçt şöbəsinə aid olan digər ünvanları görə biləcəklər. Vətəndaşın şöbəyə yol hərəkətinin dəqiq şəkildə təmin olunması üçün ölkə üzrə hər bir poçt şöbəsinin coğrafi koordinatları saytda maksimum dəqiqliklə yerləşdirilib.

Vətəndaşlarla kommunikasiyanın dərhal və yerindəcə əlçatanlığı baxımından saytda canlı söhbət əvvəlki qaydada yenidən təmin edilib.

Yeni veb-saytda, həmçinin istifadəçilər “Azərpoçt”un üç fərqli xidmət sahəsi (poçt, maliyyə, rəqəmsal) haqqında məlumatları daha rahat şəkildə əldə edəcək, qurumun digər xidmətləri olan karqo, sürətli poçt xidməti və marka sahələrinə asanlıqla keçid edəcəklər.

Qeyd edək ki, bu layihə “Azərpoçt”un cari il ərzində elan etdiyi üçüncü rəqəmsal layihədir. Bundan əvvəl qurum İnternet bankçılıq, “AzPost Mobile” kimi rəqəmsal həlləri də müvafiq olaraq hüquqi və fiziki şəxs olan müştərilərinə təqdim edib.

spot_imgspot_img

Oxşar xəbərlər

OpenAI-ın süni intellekt telefonunun montajı Foxconn-a verildi

OpenAI-ın süni intellekt telefonunun montajı Foxconn-a verildi, cihazın 2027-2028-ci illərdə təqdim olunması gözlənilir.

Bitcoin ETF-lərindən çıxışlar artır: institusional maraq azalır

Bitcoin ETF-lərindən vəsait çıxışları artır və bu, institusional investorların kripto aktivlərə marağının azaldığını göstərir.

Sky-ın USDS stablecoin ehtiyatları 1,5 milyard dollar azaldı, həcm 35% düşdü

Qeyri-qanuni maliyyələşdirmə hesabatından sonra Sky protokolundan 1,5 milyard dollar çıxıb, USDS-in həcmi 35% azalıb.

Meta-nın Muse süni intellekt agenti istifadəçilərin şəxsi məlumatlarını qarışdırır

Meta-nın Muse adlı süni intellekt agentinin istifadəçi söhbətlərini qarışdırdığı və başqa şəxslərə aid bank məlumatlarını göstərdiyi bildirilir.

Binance kripto tarixində ən böyük oğurluğa qarşı 6,5 milyard dollarlıq qərar qazandı

Binance kripto tarixində ən böyük oğurluğun arxasındakı hakerlərə qarşı 6,5 milyard dollarlıq dondurma qərarı qazanıb və oğurlanmış aktivləri öz vəsaitləri ilə əvəz edib.
spot_img