Amazon, süni intellekt şirkəti Anthropic -ə 2,75 milyard dollar yatırım edib və beləliklə Amazonun Antropic-ə etdiyi topma yatırım həcmi 4 milyar dollara çatıb.
Bəyanatda bildirilir ki, sənaye meyarlarına görə, model ailəsinin ən ağıllısı olan Claude 3 Opus, əsaslandırma, riyaziyyat və kodlaşdırmada OpenAI-nin GPT-4 də daxil olmaqla, digər mövcud modelləri üstələməklə yeni standart müəyyən edir.
Açıqlamada, məhsuldar süni intellektin inkişafı istiqamətində əməkdaşlığın dərinləşdirildiyi və ötən ilin sentyabrında Anthropic-ə 1,25 milyard dollarlıq ilkin sərmayə qoyulmasından sonra bu gün 2,75 milyard dollarlıq əlavə sərmayə qoyularaq, ümumi sərmayənin 4 milyard dollaradək artırıldığı bildirilib.
ABŞ mətbuatında çıxan xəbərlərdə Amazonun bu investisiyasının şirkətin otuz illik tarixində ən böyük xarici investisiya olduğu bildirilib. Şirkət 2023-cü ilin sentyabrında Anthropic-ə 4 milyard dollara qədər sərmayə qoyacağını və şirkətdə azlıq payına sahib olacağını açıqlamışdı.
Bildirilib ki, əməkdaşlıq Anthropic-in gələcək əsas modellərinin inkişafını sürətləndirmək və onları bulud hesablama xidmətləri göstərən Amazon Web Services (AWS) müştəriləri üçün geniş şəkildə əlçatan etmək məqsədi daşıyır.
