Türkiyənin ən böyük elektron ticarət platforması Trendyol Qırğızıstan bazarına genişlənir. Qırğızıstan Nazirlər Şurasının sədri Akılbek Japarovun Ankaraya rəsmi səfəri çərçivəsində Qırğızıstan Milli İnvestisiya Agentliyi (NAI) ilə Trendyol arasında müqavilə imzalanıb.
Milli İnvestisiya Agentliyi (NAI) və elektron platforma DSM Grup Danışmanlık İletişim ve Çözüm Ticaret A.Ş. (Trendyol) Ankarada keçirilən Qırğızıstan-Türkiyə hökumətlərarası komissiyasının 11-ci iclasında elektron ticarət sahəsində əməkdaşlığa dair sənəd imzalanıb.
Yerli mənbələrin məlumatına görə, Qırğızıstan Nazirlər Şurasının sədri Akılbek Japarovun Qırğızıstanın iqtisadiyyat nazirinə “Trendyol”un logistika mərkəzinin yaradılması, Bişkek və Çuy vilayətlərində nümayəndəliyin yaradılması ilə bağlı tapşırıqlar verdiyi bildirilib.
Bildirilib ki, razılıq Japarov Trendyol elektron ticarət logistika mərkəzinə baş çəkdikdən sonra verilib. Təklif olunan layihənin məqsədi ölkədə onlayn ticarəti aktivləşdirməkdir. Trendyol rəhbərliyi təxminən 50 min Qırğızıstan vətəndaşının tətbiqi mobil telefonlarına yüklədiyini və tam əməkdaşlıqda maraqlı olduğunu bildirib.
Çinin Alibaba ticarət qrupuna məxsus Trendyol Türkiyənin ən böyük onlayn ticarət şirkətidir. Platformada təxminən 18 milyon növ məhsul satışa çıxarılır. Trendyol hər gün dünya üzrə 30 milyondan çox müştəriyə xidmət göstərir.
