Bundan sonra klubun səhmləri 15,4 % bahalaşıb.
TThe Wall Street Journal yazır ki, Tether kriptovalyuta şirkəti “Yuventus” futbol klubunun nəzarət paketini (65,4 %) nağd vəsaitlə almağı və kluba təxminən 1 milyard avro investisiya yatırmağı təklif edib. La Gazzetta dello Sportun məlumatına görə, sövdələşmənin məbləği 725 milyon avro təşkil edə bilərdi. Qeyd olunur ki, Tether artıq “Yuventus”un 11,5 % səhminə sahibdir.
Klubun nəzarət paketinə malik olan Exor şirkəti isə payını stablkoin emitenti Tether-ə satmaqdan imtina edib. WSJ vurğulayır ki, Exor şirkəti Agnelli ailəsinə məxsusdur və bu ailə 100 ildən artıqdır ki, “Yuventus”un sahibidir.
Exor açıqlamasında bildirib ki, “Yuventus”un nəzarət paketini nə Tether-ə, nə də hər hansı digər şirkətə satmaq niyyətində deyil.
15 dekabr 2025-ci il, Moskva vaxtı ilə saat 18:25-ə olan məlumata görə, “Yuventus”un səhmləri Milan Fond Birjasında 2,53 avro səviyyəsində ticarət olunur. Bu, 12 dekabr tarixli ticarətin bağlanışı ilə müqayisədə 15,4 % artım deməkdir. Klubun bazar kapitallaşması 1 milyard ABŞ dollarını ötüb.
Nəşr qeyd edir ki, iri şirkətlərin və investisiya fondlarının Avropa futbol klublarına maraq göstərməsi ilk dəfə deyil. Belə ki, 2022-ci ildə ABŞ-ın RedBird Capital fondu “Milan” klubunu 1,2 milyard dollara, 2024-cü ildə isə Oaktree Capital “İnter” klubuna nəzarəti əldə edib.
Mənbə: Wired Italia
