Tesla uzun illərdir gözlənilən yeni nəsil Roadster modelini SpaceX ilə əməkdaşlıqda təqdim edib. Şirkət 2006-cı ildəki ilk elektrikli idman avtomobili vizyonundan tamamilə fərqli bir məhsul ortaya qoyub. Roket texnologiyası ilə təchiz edilən yeni Roadster yalnız asfaltda sürətlənməklə kalmayıb, havada manevr etmə qabiliyyətinə də malikdir. Modelin 2028-ci ildə yollara çıxması hədəflənir.
Tokenləşdirilmiş Tesla aktivlərinə tələb artdı
Təqdimatdan sonra kripto bazarlarında tokenləşdirilmiş Tesla aktivlərinə tələb kəskin artıb. Hyperliquid platformasında Tesla müqaviləsinin həcmi bir saat ərzində 2,8 milyon dollardan 47 milyon dollara yüksəlib. Bu artım ABŞ fond bazarları bağlı olduğu vaxtda baş verib və kripto ticarət platformalarının ənənəvi bazarlara alternativ rolunu gücləndirib.
Tesla-nın uçan avtomobil konsepti avtomobil sənayesində yeni müzakirələrə səbəb olub. Bəzi ekspertlər bunu texnoloji irəliləyiş kimi qiymətləndirir, digərləri isə belə bir məhsulun tənzimləyici və təhlükəsizlik baxımından ciddi maneələrlə üzləşəcəyini bildirirlər. Uçan avtomobillərin kütləvi istehsalı üçün aviasiya qaydaları, infrastruktur və təhlükəsizlik standartları tamamilə yenidən nəzərdən keçirilməlidir.
Kripto bazarında tokenləşdirilmiş səhmlərə marağın artması maliyyə sistemində mühüm tendensiyanı göstərir. İnvestorlar ənənəvi fond bazarları bağlı olduqda belə kripto platformaları vasitəsilə qiymətli kağızlara çıxış əldə edə bilirlər. Lakin bu cür məhsulların tənzimlənməsi hələ də qeyri-müəyyəndir və bəzi ölkələrdə tokenləşdirilmiş səhmlər qadağan olunub.
Mənbə: coindesk.com
