Çin mənşəli ucuz e-ticarət platforması Temu, eBay-i geridə qoyaraq dünya üzrə Amazon-dan sonra ən çox ziyarət edilən ticarət platformaları arasında ikinci sıraya yüksəlib.
Temu dünya üzrə populyarlığını artırarkən, platformanın məşhurluğu statistikalara da əks olunur. SimilarWeb-dən əldə edilən məlumatlara görə, Temu, ilk fəaliyyətə başlamasından cəmi iki il sonra eBay-i keçərək dünyanın ən çox ziyarət edilən ikinci e-ticarət saytı olub.
Temu, Amazon-un izində! Büdcəyə yönəlik onlayn pərakəndəçi, 70-dən çox ölkədə sürətlə genişlənmə yolu ilə ciddi böyümə qeydə alıb. SimilarWeb-in 2024-cü il avqust məlumatlarına görə, Temu veb portalı vasitəsilə aylıq təxminən 700 milyon ziyarət alır. Bu ziyarətlərin dörddə biri Amerika Birləşmiş Ştatlarından gəlir. Bu səbəbdən Temu, demək olar ki, hamısı ABŞ-lı istifadəçilərdən gələn 2,7 milyard aylıq ziyarətə malik Amazon-un dərhal arxasında qərarlaşıb.
SimilarWeb-in ziyarət əsasında tərtib etdiyi ilk 20 şirkət arasında Temu yeganə yüksələn e-ticarət şirkəti olub. Çin bağlantılı pərakəndəçinin bu il üçün 60 milyard dollarlıq satış hədəfi qoyduğu bildirilir.
