Starex logistika şirkəti, Çinin Temu onlayn ticarət platforması ilə əməkdaşlığa başlayıb. Bu barədə Star Group Companies-in həmtəsisçisi Sabir Niftəliyev öz Facebook sosial media səhifəsində məlumat verib. Starex ilə Temu saytından edilən sifarişlər 7-10 gün ərzində bir-başa Azərbaycana çatdırılacağı bildirilir. Eyni zamanda 50 AZN-dən yuxarı məhsul sifarişində çatdırılma ödənişsiz olacaq.
Qeyd etmək istərdik ki, Temu onlayn mağazası hazırda sürətlə inkişaf edən, ucuz məhsullar təqdim platformadır. Temu, Çində onlayn ticarət platforması olan Pinduoduo-nun da sahibi olan PDD Holdings-ə məxsusdur və holdinq tərəfindən idarə olunur.
Temu platforması ilk dəfə 2022-ci ilin sentyabrında ABŞ-da fəaliyyət ilə başlayıb. 2024-cü ilin fevral ayında Temu bir neçə Super Bowl reklamı yayımlayaraq, 15 milyon ABŞ dolları hədiyyə olaraq təklif etmişdi. Nəticədə onlayn mağazanın Google axtarışı sayı və trafikində nəzərəçarpan artım olmuşdur.
