Kanadada yerləşən və dünyanın ən iri onlayn satış platformalarından biri olan Shopify açıq şəkildə bəyan etdi ki, ticarətə maneə törədən qaydalar kiçik bizneslərə zərər verir. Şirkət paylaşdığı bloq yazısında bildirir ki, bu cür qaydalar qiymətləri artırır, məhsul çatdırılmasını çətinləşdirir və beynəlxalq ticarətə mane olur.
Bu məsələ “de minimis” adlanan qaydaya bağlıdır. Bu qayda aşağı qiymətli malların ABŞ-a vergisiz daxil olmasına imkan verir. Tramp administrasiyası iddia edir ki, bu qayda poçt vasitəsilə təhlükəli maddələrin, məsələn, fentanilin ölkəyə gətirilməsini çətin izlənilən hala gətirir. Buna görə də qaydanı ləğv edilməli idi, lakin bu qərar müvəqqəti olaraq təxirə salındı.
Shopify isə bu qaydanın daimi qalmasını istəyir. Şirkət bildirib ki, bu qayda kiçik bizneslərin beynəlxalq satışlarda rəqabət qabiliyyətini artırır və onların müştərilər üçün daha sərfəli qiymətlər təklif etməsinə kömək edir.
Shopify həmçinin son vaxtlar satıcıların gömrük rüsumlarını alıcılara daha dəqiq göstərməsi və müştərilərin öz ölkələrindən məhsul tapmasını asanlaşdıran yeni funksiyalar istifadəyə verib. Şirkət gələcəkdə beynəlxalq satış proseslərini daha da sadələşdirəcək yeniliklər etməyi planlaşdırır.
