Dekabrın əvvəlində Sem Altman şirkətdə “Qırmızı Kod” elan edərək əməkdaşları ChatGPT-nin təkmilləşdirilməsinə fokuslanmağa çağırıb.
Şirkətin iddiasına görə, GPT-5.2 informasiya axtarışı, mətnlərin tərcüməsi, elektron cədvəllərin yaradılması, təqdimatların hazırlanması, kod yazılması, şəkillərin emalı, eləcə də uzun kontekstin yadda saxlanması və “mürəkkəb çoxmərhələli tapşırıqların” icrasında daha uğurludur.
44 “intellektual əmək” sahəsini əhatə edən GDPval testlərində model halların 70,9%-də insan mütəxəssislərin göstəricilərinə bərabər olub və ya onları üstələyib. GPT-5.1 üçün bu göstərici 38,8% idi.
Proqramlaşdırma testlərində GPT-5.2-nin nəticələri əvvəlki versiya ilə müqayisədə təxminən 5 faiz bəndi yaxşılaşıb.
Modelin Instant, Thinking və Pro versiyaları artıq ChatGPT-nin ödənişli abunəçiləri üçün, həmçinin API vasitəsilə əlçatandır.
2025-ci ilin dekabrının əvvəlində The Information mənbələrə istinadən yazıb ki, OpenAI-nin rəhbəri Sem Altman şirkətdə “Qırmızı Kod” elan edib. Əməkdaşların böyük hissəsi ChatGPT-nin işinin yaxşılaşdırılmasına cəlb olunub, digər layihələr isə təxirə salınıb.
Bu addım Google-un Gemini 3 Pro modelinin təqdimatına cavab olaraq atılıb. Sözügedən model OpenAI-nin öz “Bəşəriyyətin son imtahanı” testində GPT-5.1-i geridə qoyub.
