Skandinaviya şirkətləri Avropa e-ticarət bazarında cross-border satışlar üzrə zirvəni tutmağa davam edir. TOP 500 B2C Cross-Border hesabatının 8-ci nəşrinə görə, İsveçin Ikea, Danimarkanın Jysk və yenə İsveçin H&M şirkəti Avropanın ən yaxşı fəaliyyət göstərən beynəlxalq e-ticarət satıcıları kimi öndə gedir.
Siyahıda kimler var?
İlk üçlükdən sonra Almaniyanın Zalando platforması dördüncü yerdə yerləşərək siyahıdakı ilk ‘pure player’, yəni yalnız online fəaliyyət göstərən platforma olaraq diqqəti çəkir. Bu nəticələr Skandinaviya brendlərinin beynəlxalq bazarlara nüfuz etmədə nə qədər güclü olduğunu bir daha sübut edir. Güclü brend identifikasiyası, rəqəmsal infrastruktura erkən investisiya və çevik logistika şəbəkəsi bu şirkətlərin uğurunun əsas amillərindən sayılır.
Cross-border e-ticarət böyüməyə davam edir
Hesabat Avropa bazarında sınır ötəsi e-ticarətin sürətlə genişləndiyini göstərir. Çoxkanallı (multichannel) yanaşma tətbiq edən şirkətlər rəqəmsal kanallarını fiziki mağaza şəbəkəsi ilə birləşdirərək rəqabət üstünlüyü əldə edir. Ikea və H&M kimi nəhənglər bu modelin ən uğurlu nümunələri sayılır. Ekspertlər 2026-cı ildə Avropa cross-border e-ticarət həcminin daha da artacağını proqnozlaşdırır.
Mənbə: ecommercenews.eu
