Hazırda bu funksiya Gemini Advanced, Gemini Business və Gemini Enterprise abunəçiləri üçün əlçatandır.
Alət Gems adlanır. O, müəyyən tapşırıqlar üçün çat-botlar yaratmağa, həmçinin onların cavablarının xüsusiyyətlərini tənzimləməyə imkan verir — “bilgili, rahat və ya dostcasına” cavablar verə bilir, – deyə The Verge yazır.
Həmçinin hazır çat-bot variantlarından birini seçmək mümkündür, məsələn, təlim köməkçisi, ideya generatoru, karyera məsləhətçisi, proqramlaşdırma üzrə assistent və ya redaktor.
Gems 150 ölkədə, “əksər dillərdə” Gemini Advanced, Gemini Business və Gemini Enterprise abunəçiləri üçün əlçatandır.
OpenAI isə 2023-cü ilin noyabrında ChatGPT-nin fərdi versiyalarını yaratmaq imkanı əlavə etmişdi. Bu funksiya ChatGPT Plus abunəçiləri üçün əlçatandır.
