Ferrari və HP birgə hazırladıqları məhdud sayda istehsal olunacaq oyun noutbukunu təqdim ediblər. Engadget-in məlumatına görə, model HP Scuderia Ferrari AI adlanır. Bu, e-ticarət platformalarında satışa çıxarılacaq premium məhsuldur.
Dizayn və qiymət
Noutbukun xarici dizaynı Ferrari tərəfindən hazırlanıb, texniki hissəyə isə HP cavabdeh olub. Qurğu Ferrari-nin korporativ Rosso Magma metalik qırmızı rəngində təqdim edilir. Alt hissə karbon və şüşədən hazırlanıb. “Mühərrik pəncərəsi” adlandırılan hissədən soyutma sistemi görünür. Qiyməti 5.599 ABŞ dollarıdır. Məhdud sayda istehsal olunacaq bu noutbuk oyun həvəskarları və Ferrari kolleksiyaçıları üçün nəzərdə tutulub.
Mənbə: banker.az
