BitMEX kriptobirjası rəsmi olaraq fəaliyyətini dayandıracağını açıqlayıb. 2014-cü ildə Artur Heys tərəfindən təsis edilən platforma, 100x leverajlı perpetual svop kimi yeniliklərlə kripto bazarını yenidən formalaşdırmışdı. Şirkətin press-relizinə əsasən, yeni istifadəçilərin qeydiyyatı artıq dayandırılıb və 23 sentyabr tarixindən etibarən bütün əməliyyatlar tamamilə sona çatacaq. Bu qərar HDR Global Trading Limited şirkətinin direktorlar şurası tərəfindən ‘biznesin və ümumilikdə kriptosənayenin strateji təhlili’ əsasında qəbul edilib.
BitMEX-in təsiri və səbəblər
BitMEX bir zamanlar kripto törəmə alətlər bazarında lider idi. Lakin son illərdə tənzimləyici təzyiqlər, ABŞ-ın ittihamları və artan rəqabət platformanın mövqeyini zəiflətmişdi. Şirkət 2020-ci ildə AML/KYC tələblərini pozduğu üçün ABŞ hökuməti ilə məhkəmə prosesi yaşamışdı. Bu gediş, xüsusilə kripto sektorunda tənzimləmə ilə bağlı narahatlıqları artırır. BitMEX-in bağlanması, köhnə mərkəzləşdirilmiş birjaların dövrünün sona yaxınlaşdığını göstərə bilər. İstifadəçilərə 23 sentyabra qədər açıq mövqelərini bağlamaq və vəsaitlərini çıxarmaq tövsiyə edilir.
Mənbə: banker.az
