Dünyanın ən böyük texnologiya şirkətləri süni intellekt sahəsinə milyardlarla dollar xərcləməyə davam edir. Keçən rübdə Microsoft, Google, Amazon, Meta kimi Magnificent 7 üzvlərinin hesabatları göstərdi ki, bulud və AI infratrukturuna ayrılan vəsaitlər azalmaq əvəzinə yüksələn xətt üzrə inkişaf edir. Microsoft süni intellektə inteqrasiya olunmuş Copilot məhsulunun 20 milyon ödənişli istifadəçini ötdüyünü, real aktiv istifadə göstəricilərinin durmadan artdığını bildirdi.
İnvestorlar AI xərclərinə müsbət yanaşır
Qısamüddətli ehtiyatlara baxmayaraq, böyük fondlar texnologiya nəhənglərinin AI yarışını dayandırmayacağını proqnozlaşdırır. Microsoft rəhbəri Satya Nadella OpenAI ilə yeni razılaşmanı “tam istismar” edəcəklərini açıqlayıb. Analitiklər xüsusilə generativ AI-nin korporativ bazarı ələ keçirmək potensialının səhm qiymətlərinə dəstək verdiyini düşünürlər. Nəticədə NASDAQ indeksi bu xəbərlər fonunda cüzi də olsa artım nümayiş etdirir.
Elon Musk fərqli cəbhədə
Bununla yanaşı, Elon Musk OpenAI ilə məhkəmə mübarizəsini davam etdirir. Onun keçmişdə yazdığı tvitlər məhkəmədə güclü sübut kimi təqdim olunur. Bütün bu proses süni intellekt sektorunda rəqabətin nə qədər qızğın olduğunu bir daha ortaya qoyur. Bu hadisələr kriptovalyuta bazarına da təsirsiz ötüşmür, çünki bəzi investorlar AI tokenləri ilə diversifikasiya axtarışındadır.
Mənbə: coindesk.com
