Bakıda beynəlxalq “FINTEX SUMMIT 2024” keçiriləcək

15-16 may 2024-cü il tarixlərində Bakıda “Bank və Maliyyə Ekosistemində Yeni Trendlər: İnnovativ Həllər, FinTex və Təhlükəsizlik” mövzusunda “FINTEX SUMMIT 2024” forumu keçiriləcək.

Forum Azərbaycan Banklar Assosiasiyası, Azərbaycan Respublikasının Mərkəzi Bankı, Rəqəmsal İnkişaf və Nəqliyyat Nazirliyi, İqtisadi İslahatların Təhlili və Kommunikasiya Mərkəzi, Maliyyə Monitorinqi Xidməti, Azərbaycan Fintex Assosiasiyasının dəstəyi ilə keçirilir.

Kifayət qədər tarixə malik olan Sammit bütün maraqlı tərəflərin bir araya gələrək, yeni fikirlər, təcrübələr bölüşdüyü, öz məhsullarını təqdim etdiyi, işgüzar əlaqələr qurduğu və maliyyə texnologiyaları, rəqəmsallaşma, ödəniş ekosisteminin dərin mövzularının birlikdə müzakirə olunduğu bir platforma olaraq özünü sübut etmişdir.

Sammit tənzimləyici orqan, banklar, fintexlər, assosiasiyalar, beynəlxalq maliyyə təşkilatları, yerli səfirliklər, akademik dairələr, tanınmış şirkətlərin rəhbər nümayəndələrini, qərar qəbuledicilər və influenserləri bir araya gətirir.

Bu il Sammit açılış nitqi və bütövlükdə 8 paneldən ibarət olacaq. Açılış nitqində Azərbaycan Respublikasının Mərkəzi Bankı, Azərbaycan Banklar Assosiasiyası, Visa, İqtisadi İslahatların Təhlili və Kommunikasiya Mərkəzi, Türkiyənin Bank Tənzimləmə və Nəzarət Agentliyinin rəhbər şəxsləri tərəfindən çıxışların olacağı gözlənilir.

Ümumilikdə tədbirə iki gün ərzində 300-ə yaxın tərəfdaş və iştirakçı şirkət, 1500 yerli və xarici iştirakçının qatılacağı gözlənilir. Eyni zamanda müxtəlif ölkələrdən 45 məruzəçi dinamik inkişaf edən bank-maliyyə, fintex və texnologiyalar barədə çıxış və təqdimatlar edəcək.

spot_imgspot_img

Oxşar xəbərlər

Avalanche-ın AVAX tokeni NYSE ilə tokenləşdirmə sazişindən sonra 10% bahalaşıb

NYSE-nin Avalanche blokçeynini tokenləşdirmə platforması üçün seçməsi AVAX tokeninin qiymətini 10% artırıb.

Google-ın süni intellekt çipləri Nvidia-ya təzyiqi artırır

Google-ın TPU süni intellekt çipləri bazarında rəqabəti gücləndirir və Nvidia-ya ciddi təzyiq yaradır.

PNC Bank USDC ödənişlərini dollar depozitlərinə çevirməyi sınaqdan keçirir

PNC Bank stablecoin ödənişlərini ənənəvi dollar depozitlərinə çevirmək üzrə pilot layihəyə start verib və bank sektorunda yeni tendensiya yaradır.

Coinbase ABŞ-də milli trast bankı yaratmaq üçün yekun icazə aldı

ABŞ-nin ən böyük kriptobirjası Coinbase federal trast bankı yaratmaq üçün yekun icazə alıb və rəqəmsal aktiv xidmətlərini genişləndirməyə hazırlaşır.

Türkiyə meşə yanğınları ilə mübarizədə dünyada ilk PUA hazırlayır

Türkiyə meşə yanğınları ilə mübarizədə istifadə olunacaq dünyada ilk suatan PUA-nı hazırlayır və bu prosesdə süni intellekt texnologiyalarından istifadə edir.
spot_img